ሰላምታ፡ ዘደጃዝማች፡ ስብሐት፡
Salāmtā za-Daǧǧāzmāč Sǝbḥat
Salāmtā for Daǧǧāzmāč Sǝbḥat
-
- ሰላም፡ ለከ፡ መኰንነ፡ ፍቅር፡ ወትሕትና፨
- ከመ፡ ሰሎሞን፡ ጠቢብ፡ ወከመ፡ ዳዊት፡ ምሉአ፡ ልቡና፨
- ደጃዝማች፡ ስብሐት፡ ለአብ፡ በኵሉ፡ ወበውስተ፡ ኵሉ፡ ጥዑመ፡ ዜና፨
- ኢይርአይከ፡ ዐይነ፡ ሞት፡ ወኢይርከብከ፡ ሙስና፨
- ትርዳእከ፡ እመ፡ ብርሃን፡ ዘምስለ፡ ልዑል፡ ሕፃና፨
- ወቅዱስ፡ ሚካኤል፡ ይዕቀብከ፡ በብሩህ፡ ደመና፨
-
- ሰላም፡ ለከ፡ ወለሰላም፡ ዘኀረየከ፡ እምጥንት፨
- ኢየሱስ፡ ክርስቶስ፡ ፈጣሬ፡ ኵሉ፡ ፍጥረታት፨
- ደጃዝማች፡ ስብሐት፡ ለአብ፡ ተቅዋ_ ወብሩህ፡ እማኅቶት፨
- በኀይለ፡ ፈጣሪ፡ ሐነጽከ፡ ከመ፡ ኢየሩሳሌም፡ ብርህት፨
- ______ሕፈ፡ በኤዶም፡ ገነት፨
-
- ከመ፡ ስብሐት፡ ለአብ፡ ቅንዑ፡ ወትግሁ፡ ለጽድቅ፨
- ዘሀሎክሙ፡በምድር፡ አዕሩግ፡ ወደቂቅ፨
- ኢይምሰልክሙ፡ ዘትነብሩ፡ ወዘኢተሐውሩ፡ ኀበ፡ ርሑቅ፨
- ወእንተ፡ ሀለወ፡ ቦቱ፡ መሓሪ፡ ወጻድቅ፨
- ዘይፌሥጽ፡ ኵሎ፡ በቃሉ፡ መብረቅ፨
-
- ብእሲትከ፡ ተዐቢ፡ እምነ፡ ኵሎን፡ አንስት፨
- እስመ፡ ተቅዋምከ፡ ይእቲ፡ ወልቡናሃ፡ ማኅቶት፨
- ወእምኅሊናሃ፡ ይውሕዝ፡ አንቅዕትአ፡ ውሂብ፡ ምሕረት፨
- ወይእቲ፡ ጥቀ፡ ልዕልተ፡ መንበር፡ ወሀብት፨
- ዘኀረያ፡ ፍጹመ፡ እግዚአ፡ ኀይላት፨