መልክአ፡ ደጃዝማች፡ ስብሐት፡
Malkǝʾa Daǧǧāzmāč Sǝbḥat
Image of Daǧǧāzmāč Sǝbḥat
-
- ሰላም፡ ለፅንሰትከ፡ ወለልደትከ፡ ክቡር፨
- እምቤተ፡ መንግሥት፡ ዘኮነ፡ ትውልደ፡ አቡከ፡ ኄር፨
- ደጃዝማች፡ ስብሐት፡ ሰሎሞን፡ እንተ፡ ሐነጽካ፡ ለደብር፨
- ተከሥቱ፡ ለከ፡ ጥበብ፡ ወምክር፨
- ዘያድኀኑ፡ እማዕሠር፡ ነኪር፨
-
- ሰላም፡ ለዝክረ፡ ስምከ፡ ዘጸውዖ፡ በቃሉ፨
- ልሳንየ፡ ረድ፡ ስብሐቲከ፡ ያደሉ፨
- ደጃዝማች፡ ስብሐት፡ ያዕቆብ፡ እስራኤላዊ፡ እምኵሉ፨
- ቅዱሳን፡ ሐዋስቲከ፡ ነገረ፡ ኃጥአን፡ ኢይክሉ፨
- ወባእዳነ፡ እግርከ፡ ኢይቅሉ፨
-
- ሰላም፡ ለቆምከ፡ ከመ፡ በቀልት፡ አርያሁ፨
- ወለመልክእከ፡ ሰላም፡ ዘያደነግጽ፡ ግርማሁ፨
- ጸጋ፡ ዘአብ፡ ልኂቅ፡ በጥዑም፡ ከናፍሪሁ፨
- ባረክከ፡ ከመ፡ ታጽንዕ፡ ጠፈረ፡ ቤቱ፡ ወጽርሁ፨
- ከመ፡ ባረኮ፡ ለይስሐቅ፡ አብርሃም፡ አቡሁ፨
-
- እትሜነይ፡ አንሰ፡ ወእስእል፡ ለወለተ፡ ሚካኤል፡ መርአተ፡ ኖኅ፨
- ከመ፡ ትጻእ፡ እማየ፡ አይኅ፨
- ወለውሉዱ፡ ክቡራን፡ ዘምስለ፡ ብእሲሃ፡ የዋኅ፨
- በቃለ፡ መዝሙር፡ ሐዋዝ፡ እንዘ፡ ጸርኅ፨
- ኢይምጻእ፡ ላእሌሆሙ፡ ሐዘን፡ ወላሕ፨
-
- ሶበ፡ ተነበይኩ፡ አነ፡ ለወለተ፡ ሚካኤል፡ እዕልት፨
- በቃለ፡ ንጉሥ፡ ዳዊት፨
- እቤ፡ ያጥልል፡ ቍርባነኪ፡ ዘትካት፨
- ወእፈጽም፡ ሰምረተኪ፡ ደጃዝማች፡ ስብሐት፡
- ዘተሐጽነ፡ በሐሊብ፡ ወበወይን፡ ወዘይት፨
-
- ሶበ፡ ርኢከ፡ ይምርኃ፡ ወላሊበላ፡ በላስታ፨
- ዘሐነጹ፡ መቅደሰ፡ ከመ፡ ደብረ፡ ሲና፡ ወጎልጎታ፨
- ደጃዝማች፡ ስብሐት፡ ሐነጽከ፡ ለደብረ፡ ኢየሱስ፡ ኤፍራታ፨
- ጽጌ፡ በረከት፡ ዘሀሎ፡ ውስቴታ፨
- ወዐይነ፡ አንስርት፡ ኢይክሉ፡ ርእዮታ፨