መልክአ፡ ዮሐንስ፡ ወንጌላዊ፡
Malkəʾa Yoḥannəs Wangelāwi
Image of John the Evangelist
-
- በስመ፡ እግዚአብሔር፡ እምቅድመ፡ ዓለም፡ እምኀበ፡ ኢሀሎ፡ ኀበ፡ ሀልዎ፨
- ወኵሎ፡ ፍጥረተ፡ ዘፈጠረ፡ በኢጻምዎ፨
- ምሥጢረ፡ ውዳሴከ፡ እክሥት፡ ሶበ፡ ኀጣእኩ፡ ለብዎ፨
- ነዓ፡ ዮሐንስ፡ ዜናዊ፡ ተዜንወኒ፡ ዜንዎ፨
- ወእመ፡ አኮ፡ ያለብወኒ፡ ለፉጊር፡ ፈንዎ፨
-
- ሰላም፡ ለፅንሰትከ፡ በከመ፡ ሥርዓት፡ ዘልማድ፨
- ወለልደትከ፡ ሰላም፡ እምጾታ፡ ፪ነገድ፨
- ወበእንተዝ፡ ይብሉከ፡ ወልደ፡ ነጐድጓድ፨
- አባ፡ ዮሐንስ፡ ዕቀበኒ፡ እመከራ፡ ዘመን፡ ክቡድ፨
- ወእስከ፡ ለዓለም፡ ተማሕፅነኒ፡ እምዛቲ፡ ትውልድ፨
-
- ሰላም፡ ለዝክረ፡ ስምከ፡ ዘኢየኀልቅ፡ ሰላሙ፨
- ወኢይጸግብ፡ መዐዛ፡ ጣዕሙ፨
- ወልደ፡ ዘብዴዎስ፡ ዮሐንስ፡ ለወልደ፡ ዘካርያስ፡ ወራሴ፡ ስሙ፨
- ምስለ፡ ስምከ፡ አምላካዊ፡ ኀበ፡ ተጽሕፈ፡ ቀዲሙ፨
- ፊደለ፡ ስምየ፡ ጸሐፍ፡ ለክርስቶስ፡ በደሙ፨
-
- ሰላም፡ ለፍልሰትከ፡ እምዓለመ፡ ሙታን፡ ኵሉ፨
- ሕይወተ፡ ሕያዋን፡ ንሳተፍ፡ ኀበ፡ ዘለከ፡ ይደሉ፨
- በእንተ፡ ፍልሰትከ፡ ጴጥሮስ፡ ለክርስቶስ፡ ሶበ፡ ተስእሎ፡ በቃሉ፨
- ሚላዕሌከ፡ ይቤሉ፡ እመፈቀድኩ፡ የሀሉ፨
- እስከ፡ ሶበ፡ አነ፡ ዘጊዜሁ፡ እመጽእ፡ እምላዕሉ፨
-
- አንቀጸ፡ አበቅቴ፡ ወመጥቅዕ፡ እምኈልቈ፡ ሠላሳ፡ ለለ፡ ተርፈ፨
- ሊቃውንተ፡ ዘመን፡ ሠርዑ፡ ከመ፡ ይረስዩ፡ ግዱፈ፨
- አባእኩ፡ ለከ፡ በእንተዝ፡ ኅጠተ፡ ማሕሌት፡ ውኩፈ፨
- ዮሐንስ፡ ረሲ፡ ሠሚረከ፡ ከመ፡ ዕፀ፡ ሕይወት፡ ዘልፈ፨
- ህየንተ፡ አሐዱ፡ ሠላሳ፡ ዘይፈሪ፡ ዘልፈ፨