መልክአ፡ ኤዎስጣቴዎስ፡
Malkəʾa ʾEwosṭātewos
Image of ʾEwosṭātewos
-
- በስመ፡ አብ፡ ወወልድ፡ ወመንፈስ፡ ቅዱስ፡ እንተ፡ ከሠተ፡ ምሳሌ፨
- ለነቢያት፡ ጥንቁቀ፡ ወለሐዋርያት፡ በኢስሳሌ፨
- ኤዎስጣቴዎስ፡ መልአክ፡ ዘታደምፅ፡ ቀርነ፡ ትንባሌ፨
- ከመ፡ እቅዳኅ፡ ለዕበይከ፡ ወይነ፡ ሃይማኖት፡ መጥለሌ፨
- እምኆኅተ፡ ልብየ፡ ቅላዕ፡ ወአእትት፡ ጽሌ፨
-
- ሰላም፡ ለፅንሰትከ፡ ወለልደትከ፡ ዓዲ፨
- ዘጽልመተ፡ ዓለም፡ አብርሀ፡ አምሳለ፡ ማኅቶት፡ ነዳዲ፨
- ኤዎስጣቴዎስ፡ ቄርሎስ፡ መገሥጸ፡ ንስጥሮስ፡ ዘከሃዲ፨
- ጸጋ፡ ሀበኒ፡ በጸጋ፡ ዘኢይረክቦ፡ ኀያዲ፨
- እንዘ፡ ብዕለ፡ ነፍስ፡ እንተ፡ ወልድከ፡ ኢይንዲ፨
-
- ሰላም፡ ለዝክረ፡ ስምከ፡ ዘሞገሰ፡ መስቀል፡ አክሊሉ፨
- ወለሥዕርትከ፡ ይቡስ፡ እምጥላሌ፡ ርስሐት፡ ኵሉ፨
- ኤዎስጣቴዎስ፡ ባስልዮስ፡ አሠረ፡ ትምህርትከ፡ እትሉ፨
- ውግር፡ በላዕሌየ፡ መንዲለ፡ በረከት፡ ዘላዕሉ፨
- ወቃለ፡ ጽራኅየ፡ ለአጽምዖ፡ አእዛኒከ፡ ጽሉ፨
-
- ሰላም፡ ለግንዘተ፡ ሥጋከ፡ ለሊቀ፡ ጳጳሳት፡ በእዴሁ፨
- ወለመቃብሪከ፡ ሰላም፡ ዘብዙኅ፡ መንክራቲሁ፨
- ኤዎስጣቴዎስ፡ ወራሲ፡ ለጳኵሚስ፡ ብዕለ፡ ጸጋሁ፨
- በሎሙ፡ ለቅዱሳን፡ ወልድየ፡ ናሁ፨
- ዘቦቱ፡ ሠመርኩ፡ ባርኩ፡ ኪያሁ፨
-
- ሰላም፡ ለዑደትከ፡ ብሔረ፡ አግዓዚ፡ ኵለንታሃ፨
- እንዘ፡ ትሰብክ፡ ወንጌሉ፡ መጽሐፈ፡ ሐሤት፡ ወፍሥሓ፨
- ኤዎስጣቴዎስ፡ ለሃይማኖት፡ ቢጸ፡ ሐዋርያት፡ ሐዋርያሃ፨
- እምልብየ፡ ወሕሊናየ፡ አፈቅረከ፡ ብዙኀ፨
- ለፍቅርሰ፡ እንተ፡ ዓለም፡ አልቦቱ፡ ረባሓ፨
-
- ሰላም፡ ለንግደትከ፡ በተወክፎ፡ ብዙኅ፡ መከራ፨
- እምኢትዮጵያ፡ አሐተ፡ ምክፈልተ፡ መርምህናም፡ ርሡይ፡ ጌራ፡
- ኤዎስጣቴዎስ፡ በገድል፡ ቴዎዶጦስ፡ ዘዕንቆራ፨
- ለዛቲ፡ ማሕሌት፡ ከመ፡ ኢይትረሣእ፡ ዝክራ፨
- ውስተ፡ ጽሌ፡ ልብከ፡ ጸሐፍ፡ ወካልእ፡ ነገራ፨