መልክአ፡ ጉባኤ፡
Works
Subjects
Bibliography
Blog
መልክአ፡ ዮስጦስ፡
Malkəʾa Yosṭos
Image of Justus
Subject
Martyr
ዮስጦስ፡
Yosṭos
Justus
Malkəʾ
እግዚአብሔር፡ ለሰብእ፡ በከመ፡ ይቤ፡ ቀዲሙ፨
እንዘ፡ ይከውነኒ፡ አፈ፡ ወጥበበ፡ ለለ፡ ጌሰሙ፨
ኅሊናየሂ፡ እንዘ፡ ኣግድፍ፡ በእሙ፨
እዌጥን፡ ለዮስጦስ፡ ሰላመ፡ ክቡር፡ ስሙ፨
በእንተ፡ ሥቃዩ፡ መንክር፡ ወዕጹብ፡ ሕማሙ፨
ሰላም፡ ለዝክረ፡ ስምከ፡ በርእሰ፡ መጻሕፍት፡ ዘተጽሕፈ፨
ከመ፡ ያንብብዎ፡ ሰብእ፡ እንዘ፡ ይከሥቱ፡ አፈ፨
ክዱነ፡ አካል፡ ዮስጦስ፡ መብረቀ፡ ስብሐት፡ አጽፈ፨
ዕቀበነ፡ ወትረ፡ እምጸላኢ፡ ወተማሕፀነነ፡ ዘልፈ፨
ከመ፡ ጸላኢ፡ ኢይምላሕ፡ በላዕሌነ፡ ሰይፈ፨
ሰላም፡ ለመቃብሪከ፡ ለአስከሬነ፡ ወርቅ፡ ዘመሰሎ፨
ውስቴቱ፡ ሥጋከ፡ እስመ፡ ከመ፡ ወርቅ፡ ሀሎ፨
ተሠሀለኒ፡ ዮስጦስ፡ እስመ፡ በጽሐ፡ ጊዜ፡ ተሣህሎ፨
ወክፍል፡ ታእድወነ፡ ማእበለ፡ ዘመን፡ ተሐጕሎ፨
ከመ፡ ለዮርዳኖስ፡ በሐሜለቱ፡ ኤልያስ፡ ከፈሎ፨
ስብሐተ፡ ማሕሌት፡ ወሀቡ፡ ለመልክእከ፡ በኍቅሉ፨
በእንተ፡ ዝኒ፡ ሰአሎ፡ ውስተ፡ አስተብቍኦ፡ በሕቁ፨
ለእግዚአብሔር፡ ዮስጦስ፡ ቅድመ፡ በተጽናስ፡ ይሕልቁ፨
ብዑላነ፡ ከመ፡ ይከት፡ ለተክለ፡ ሃይማኖት፡ ደቂቁ፨
በጽድቁ፡ ለአርያም፡ ወለምድር፡ በወርቁ፨
Tarafa Malkəʾ
ሰላም፡ ለከ፡ መሠረታቲሃ፡ ለጽዮን፡ ውቅተ፡ ቅዱሳን፡ አድባር፨
አስተጻንዕ፡ ለነ፡ እምሁከተ፡ ምድር፨
ዮስጦስ፡ እብነ፡ ሰንፔር፨
Meta
Last modified:
25 March 2025
.
Permalink:
https://w3id.org/malke/7328/
.
XML
JSON
BetMas