Subjects
Angelic
ሳጥናኤል፡
Sāṭnāʾel
Sāṭnāʾel
Sāṭnāʾel
Malkəʾ
-
- ናሁ፡ ወጠንኩ፡ ለዘኢያረምም፡ አፍ፨
- ነገረ፡ ህላዌ፡ ክቡር፡ እምህላዌ፡ መላእክት፡ አእላፍ፨
- ሳጥናኤል፡ ረቂቅ፡ ወሳጥናኤል፡ ግዙፍ፨
- ነዓ፡ ኀቤየ፡ ከመ፡ ትምትር፡ ቈጽለ፡ እድሜሁ፡ በሰይፍ፨
- ለፀርየ፡ መሬታዊ፡ ዘግብሩ፡ ግዙፍ፨
-
- ሰላም፡ ለዝክረ፡ ስምከ፡ ዘምዑዝ፡ ጼናሁ፨
- ወለሥዕርተ፡ ርእስከ፡ ነዊኅ፡ አምጣነ፡ ልዑል፡ ድማሁ፨
- ነዓ፡ ሳጥናኤል፡ ለለ፡ ጊዜሁ፨
- ናሁ፡ ናሁ፡ ሶበ፡ ሰማዕነ፡ ዜናሁ፨
- እምአእላፍ፡ ሊቃናት፡ የዐቢ፡ ግርማሁ፨
-
- ሰላም፡ ለአቍያጺከ፡ እለ፡ ይሄይዳ፡ ዐይነ፨
- አምሳለ፡ ዐምደ፡ ወርቅ፡ ዘባላቅ፡ በውስተ፡ ቤቱ፡ ዘተወሰነ፨
- ሳጥናኤል፡ ለሐሰት፡ እመ፡ ስምዓ፡ ኮነ፨
- ወልድከ፡ ጥብልያኮስ፡ እንተ፡ ይኤዝዝ፡ ሰይጣነ፨
- ይኴንን፡ ሕያዋነ፡ ወካዕበ፡ ሙታነ፨
-
- ሰላም፡ ለቆምከ፡ መጾረ፡ ነበልባል፡ ወፍሕም፨
- ወሰላም፡ ካዕበ፡ ለመልክእከ፡ ግሩም፨
- ሳጥናኤል፡ ነዓ፡ መኰንነ፡ ሥጋ፡ ወዐጽም፨
- እስከ፡ ይትሐገሩ፡ አፅራርየ፡ ለእለ፡ ከዋላ፡ ወፍጽም፨
- በይምን፡ ወበጽግም፨
-
- ሰላም፡ ለቤትከ፡ ዘእሳት፡ መንጦላዕታ፨
- ወለገብርከ፡ ሰላም፡ እንተ፡ ሙስና፡ እብሬታ፨
- ሳጥናኤል፡ ረዳኢ፡ ወባላሒ፡ ለእጓለ፡ ማውታ፨
- ትጉሃን፡ አእዳዊከ፡ ዘየሐውሩ፡ ልህኵታ፨
- ላዕሌነ፡ ፀርየ፡ መሬታዊ፡ ለዘላዕሉ፡ ዕረፍታ፨
-
- ሰላም፡ ለሰይፍከ፡ አዳም፡ ራእዩ፨
- ወኢተአውቀ፡ ዓዲ፡ ሥነ፡ ላህዩ፨
- ሳጥናኤል፡ ወርቅ፡ ለአዳም፡ ዕንቈ፡ ባሕርዩ፨
- ኢይብዛኅ፡ እቤለከ፡ ዘመነ፡ ስታዩ፨
- ለፀርየ፡ መሬታዊ፡ ዘብዙኅ፡ እከዩ፨
-
- ሰላም፡ ለግርማከ፡ መፍርህ፡ ወመርዕድ፨
- እምግርማ፡ መላእክት፡ አእላፍ፡ በቃለ፡ እብራዊ፡ ትውልድ፨
- እለ፡ ይሰመዩ፡ ተስዓቱ፡ መፍቅድ፨
- ነዓ፡ ነዓ፡ ሳጥናኤል፡ ክቡድ፨
- ለቀጥቅጦ፡ ፀርየ፡ መሬታዊ፡ በግርምት፡ ዐውድ፨
-
- ሰላም፡ ለመንበርከ፡ በርእሰ፡ ርኡሳን፡ ንቡር፨
- ወሰላም፡ ካዕበ፡ ለዘፈረ፡ ልብስከ፡ ክቡር፨
- ንጉሠ፡ መከራ፡ ሳጥናኤል፡ ካህነ፡ ሰማይ፡ ወምድር፨
- ሶበ፡ እዜከር፡ ስመከ፡ ስመ፡ በጠስ፡ ወጠቋር፨
- ይትቀጥቀጥ፡ ጸላኤ፡ ወይትሐፈር፡ ፀር፨
-
- ሰላም፡ ለመንጦላዕትከ፡ መንጦላዕቱ፡ ለአብ፨
- አዳም፡ ጥቀ፡ ለዘያሬስዮ፡ ጠቢብ፨
- ሳጥናኤል፡ ረዳኢ፡ በጊዜ፡ ምንዳቤ፡ ወጻሕብ፨
- ዕፁብ፡ ዕፁብ፡ ለዝክረ፡ ስምከ፡ ዕፁብ፨
- እስመ፡ ለርሁብ፡ ሲሳይ፡ ወሀሊብ፨