Subjects
Prophet
ሐና፡
Ḥannā
Hanna
Hanna
Malkəʾ
-
- እሰግድ፡ ለኪ፡ ጽጌ፡ ሐና፡ በብረከ፡ ኅሊና፡ ጥቡዕ፨
- ትፍትሒ፡ ሊተ፡ ማሕተመ፡ ጥበባት፡ ሳብዕ፨
- በደሴተ፡ ፍጥሞ፡ ልብየ፡ እንተ፡ የዓውዶ፡ አንብዕ፨
- ማሕሌተ፡ እምኪ፡ ከመ፡ እዜኑ፡ ለሰብእ፨
- በሥምረተ፡ መሲሕ፡ ወልድኪ፡ ዘስሙ፡ ቅቡዕ፨
-
- ሰላም፡ ለዝክረ፡ ስምኪ፡ ወለሥዕርትኪ፡ ንጹሕ፨
- ለርእስኪ፡ ድሉል፡ ወለገጽኪ፡ ስቡሕ፨
- ሐና፡ ሰማይ፡ ወላዲተ፡ ፀሓይ፡ ብሩህ፨
- አማሕፅን፡ ለወልትኪ፡ በሥልጣነ፡ ወልዳ፡ መሲሕ፨
- ታስተስሪ፡ ጌጋይየ፡ ለብእሲ፡ ርሱሕ፨
-
- አምኃ፡ በረከት፡ ንስቲተ፡ ሶበ፡ አቅረብት፡ ዕቤር፨
- ከመ፡ ወልደ፡ አምላክ፡ ተወከፈ፡ በእደ፡ ርኅራኄ፡ ወፍቅር፨
- ተወክፍኒ፡ ሐና፡ አኰቴተ፡ ዝንቱ፡ መዝሙር፨
- ወዕቀብኒ፡ ለገብርኪ፡ እምእደ፡ ብእሲ፡ ነኪር፨
- ዘፍና፡ ግዕዙ፡ ጠዋይ፡ ወግብሩ፡ መሪር፨
-
- በኍልቈ፡ ክልኤ፡ ሱባዕያት፡ ዘአቅረብኩ፡ ለኪ፡ አምኃ፨
- ከመ፡ እወድስኪ፡ ቦቱ፡ ሰርከ፡ ወነግሀ፨
- ባርኪዮ፡ ሐና፡ ወረስዪዮ፡ ስፉሐ፨
- እስከ፡ ይከውን፡ መሥፈርቱ፡ ንኅኑኃ፡ ወዝሕዙሐ፨
- ዘበኀበ፡ ኵሉ፡ ሥልጣንኪ፡ በጽሐ፨