Subjects
Trinitarian
መስቀል፡
Masqal
The Cross
The Cross
Malkəʾ
-
- ሰላመ፡ ስቅለትከ፡ ክርስቶስ፡ ለለ፡ ንብል፡ ንሕነ፨
- ሐዘነ፡ ዝንቱ፡ ዓለም፡ ዘያረስእ፡ ይኩነነ፨
- ሰላምከ፡ እግዚኦ፡ ትትወሀብ፡ ለነ፨
- ይትቀደስ፡ ስምከ፡ ዘበሰማያት፡ አቡነ፨
- ወመንግሥት፡ ትምጻእ፡ ኀቤነ፨
-
- ሰላም፡ ለዝክረ፡ ስምከ፡ ዘራብእ፡ ፊደሉ፨
- እምብሂለ፡ ኢየሱስ፡ ኢሐፀ፡ ኍልቈ፡ ሆህያተ፡ መስቀሉ፨
- ለምክረ፡ ሞትከ፡ ክርስቶስ፡ አመ፡ እስራኤል፡ መድበሉ፨
- ሶበ፡ በመስቀል፡ አልዐሉ፨
- ወፀሓይ፡ እምነጽሮ፡ ሠወረ፡ ጽዳሉ፨
-
- ሰላም፡ ለሥዕርተ፡ ርእስከ፡ ዘአጽነነ፡ ርእሶ፨
- ኀበ፡ አቡሁ፡ ልዑል፡ እንዘ፡ ያመሐጽን፡ ነፍሶ፨
- ኢየሱስ፡ ክርስቶስ፡ ቅንዋተ፡ መስቀል፡ በተአግሶ፨
- እሰግድ፡ ለመስቀሉ፡ እንተ፡ በደሙ፡ ቀደሶ፨
- ንሴብሕ፡ ካዕበ፡ ዕበዮ፡ ወንግሦ፨
-
- ሰላም፡ ለርእስከ፡ ዘሰመዩ፡ ስማ፨
- ልሳነ፡ ግዕዝ፡ ርእስ፡ ወልሳነ፡ ዕብራይስጥ፡ ብሂለ፡ ድማ፨
- ኢየሱስ፡ ክርስቶስ፡ ለመስቀልከ፡ ማሕተማ፨
- ይትሐትም፡ በርእስየ፡ ወለሕማምከ፡ ሕማማ፨
- ወዲበ፡ ኵሉ፡ አባላ፡ ወቆማ፨
-
- ሰላም፡ ለአእጋሪከ፡ ቅድመ፡ ጲላጦስ፡ ዘቆማ፨
- እምበለ፡ ቅንዋት፡ ያልክኦ፡ ወቅድመ፡ ይሕመማ፨
- ስቅለትከ፡ ክርስቶስ፡ በሞገስ፡ ወኀይለ፡ ግርማ፨
- ሰገዱ፡ በቅድሜከ፡ አእላፈ፡ ትጉሃን፡ ዘራማ፨
- እስመ፡ አንተ፡ ውእቱ፡ ንጉሦሙ፡ ፌማ፨
-
- ሰላም፡ ለመልክእከ፡ መልክአ፡ አዳም፡ ነሣኢ፨
- አምላክ፡ ኅቡእ፡ ዘኢያስተርኢ፨
- መስቀልከ፡ ክርስቶስ፡ ዕፀ፡ መዋኢ፨
- ይፈውስ፡ ሕማምየ፡ ወቍስልየ፡ ያጥኢ፨
- እንተ፡ በዲቤየ፡ ከዐ?ወ፡ ሕምዝ፡ ቀትል፡ ጸላኢ፨
-
- ሰላም፡ ለዕርገትከ፡ የማነ፡ አቡከ፡ ልዑል፨
- ዘምስለ፡ አብሐት፡ ወዕበይ፡ ወብርሃን፡ ጽዱል፨
- አዕርገኒ፡ ክርስቶስ፡ በዘዚአከ፡ ክሂል፨
- ኢየሩሳሌም፡ ዘላዕሉ፡ ሰማያዊት፡ ደወል፨
- እሳት፡ ውስቴታ፡ ምሉእ፡ ፍሥሓ፡ ወሣህል፨
-
- ሰላም፡ ለመጽአትከ፡ በመንክር፡ ሥ
- መልአከ፡ ስሕተት፡ ትደይን፡ ወለርጉማን፡
- አቁመኒ፡ ክርስቶስ፡ ምስለ፡ ቡሩካን፨
- ኀበ፡ ይትፌሥሑ፡ ወይትሐሰዩ፡ ጻድቃን፨
- እስመ፡ አለቦሙ፡ እምዝ፡ ሐዘን፨
-
- ስብሐት፡ ይደሉ፡ ለክርስቶስ፡ ለዘጾረ፡ ሕማመ፨
- ወስብሐት፡ ሎቱ፡ ለዘከዐወ፡ ደመ፨
- ወስብሐት፡ ዓዲ፡ ለዘሰከበ፡ ወኖመ፨
- ስብሐት፡ ለዘሐይወ፡ ወተንሥአ፡ ፍጹመ፨
- ስብሐት፡ ለዘዐርገ፡ ወለዘይመጽእ፡ ዳግመ፨
- ስብሐት፡ ለመስቀሉ፡ ወእሁብ፡ ሰላመ፨