Details
-
- በስመ፡ አብ፡ ወወልድ፡ ወመንፈስ፡ ቅዱስ፡ ዘነበበ፨
- በነቢያቲሁ፡ ቅድመ፡ ወበሐዋርያት፡ ካዕበ፨
- እወጥን፡ አንሰ፡ ሰቆቃወ፡ ነፍስ፡ ዕፁበ፨
- ኵሎ፡ ሌሊተ፡ እንዘ፡ አርሕስ፡ ምስካበ፨
- ከመ፡ በአንብዕ፡ ዳዊት፡ ዓራቶ፡ ኀፀበ፨
-
- ሐዋጺሃ፡ ለነፍስ፡ ወናዛዚሃ፡ በሕቁ፨
- እምነ፡ ሐዘናት፡ አእላፍ፡ እለ፡ ኢይትኌለቁ፨
- ናዝዘኒ፡ ክርስቶስ፡ ለእግዚአብሔር፡ መልአከ፡ ጽድቁ፨
- ሰቆቃወ፡ ነፍስ፡ እንዘ፡ ከመ፡ ዖፍ፡ እነቁ፨
- እስመ፡ ናሁ፡ ገብርከ፡ አኀዝኩ፡ አስቆቁ፨
-
- እምአፈ፡ መላእክት፡ ብርሃናውያን፡ እለ፡ ይመውኡ፡ ፀሐየ፨
- ወእምአፈ፡ ጻድቃን፡ ሰብእ፡ ዘኢየአምሩ፡ ጌጋየ፨
- ወሊተኒ፡ እምአንቀጸ፡ ዝንቱ፡ አፉየ፨
- ስብሐት፡ ለከ፡ አምላኪየ፡ ወበጸጋ፡ ጥምቀት፡ አቡየ፨
- እመ፡ አድኀንካ፡ እምሲኦል፡ ለኃጥእት፡ ነፍስየ፨
-
- በኍልቈ፡ ደቂቁ፡ ለያዕቆብ፡ እለ፡ ወረዱ፡ ምድረ፡ ግብጽ፨
- ሰቆቃወ፡ ነፍስ፡ ስብኪ፡ በውስተ፡ ኵሉ፡ አናቅጽ፨
- ኢትፃኢ፡ ነፍስየ፡ እምቤተ፡ ንስሐ፡ ሕኑጽ፨
- ራትዕ፡ መልአከ፡ ሞት፡ ዘኢያደሉ፡ ለገጽ፨
- እስመ፡ ይነሥአኪ፡ ግብተ፡ በዘመን፡ ሕፁፅ፨