Bibliography
Z
Raineri, Osvaldo. “Vita dei giusti: missionari dell’Etiopia nel sesto secolo: varianti e inno.” Ephemerides Carmeliticae 31, no. 2 (1980): 377–413.
-
- በስመ፡ ሥሉስ፡ ቅዱስ፡ ማሕድ፡ ባሕርይ፡ ከሃሊ፨
- ዘኢየሐጽጽ፡ ምንግሥቱ፡ ወዘኢይበሊ፨
- ዝክረ፡ ውዳሴክሙ፡ ጻድቃን፡ ዘበበ፡ ጾታሁ፡ አሐሊ፨
- ያንቅሐኒ፡ ወያንሥአኒ፡ እምንዋመ፡ ሀኬት፡ ማህጐሊ፨
- ጰራቅሊጦስ፡ ስቴ፡ ጽድቅ፡ ዘዕጹብ፡ መቅለሊ፨
-
- ሰላም፡ ለንግደትክሙ፡ እምድረ፡ ሮምያ፡ ርኁቅ፨
- ኀበ፡ አዜባዊት፡ ሀገር፡ ዐውደ፡ ዘውራቲሃ፡ ምሥራቅ፨
- ማኅበረ፡ ኖምና፡ ጻድቃን፡ ተለውተ፡ ክርስቶስ፡ ሊቅ፨
- ጸግዉኒ፡ አጋእዝትየ፡ ኅሊና፡ መንፈስ፡ ዕዉቅ፨
- ለዝክረ፡ ስምክሙ፡ ሐዋዝ፡ አሐሊ፡ በጽድቅ፨
-
- ሰላም፡ ለዝክረ፡ ስምክሙ፡ ኀበ፡ ዐምደ፡ ወርቅ፡ ዘተጽሕፈ፨
- ማኅበረ፡ ኖምና፡ ጻድቃን፡ ዘትትኌለቁ፡ አእላፈ፨
- እምኔክሙ፡ አሐዱ፡ ሶበ፡ በአሕጻ፡ ተነድፈ፨
- አምሳለ፡ አንስርት፡ አስሪፆ፡ አክናፈ፨
- ብሂለ፡ ኖምኩ፡ ኑሙ፡ ተሰምዐ፡ አጽናፈ፨
-
- ሰላም፡ ለመቃብሪክሙ፡ በእደ፡ ሰብእ፡ ዘኢተከርየ፨
- ኀበ፡ በአታት፡ ወጾላዕት፡ ለለ፡ ዘቆምክሙ፡ ህየ፨
- ዜና፡ ዝኅርክሙ፡ ጻድቃን፡ ዘበምድረ፡ አግዓዚ፡ ተሠምየ፨
- ቦ፡ እምኔሁ፡ ዘይፌውስ፡ ድዉየ፨
- ወቦ፡ በረድኤቱ፡ ዘአውፅአ፡ ማየ፨
-
- ሰላም፡ ለክሙ፡ ጻድቃን፡ ዘቅድም፨
- እምአዳም፡ ወእለ፡ ኖምና፡ እስከ፡ መዋዕሊነ፡ ዮም፨
- ወእለ፡ ትመጽኡ፡ እምዮም፡ እስከ፡ ኅልቀተዝ፡ ዓለም፨
- ጸሐፉ፡ ስመ፡ ዚአየ፡ በደመ፡ በግዑ፡ ቀለም፨
- መንገለ፡ ተጽሕፈ፡ ዘዚአክሙ፡ ስም፨
-
- አምኃ፡ ሰላም፡ ኅዳጠ፡ ለመልክእክሙ፡ አቅረብኩ፨
- አምጣነ፡ ዘብየ፡ ክህልኩ፨
- ነገረ፡ ዜናክሙ፡ ጻድቃን፡ እመ፡ ኢያሠነይኩ፨
- ወለእመኒ፡ በድካም፡ አቅረብኩ፨
- ሞገሰ፡ ጻማክሙ፡ አበውየ፡ ዲቤሁ፡ ወስኩ፨