Subjects
Righteous
ብሶይ፡
Bəsoy
Bəsoy
Bəsoy
Malkəʾ
-
- ሰላም፡ ለዝክረ፡ ስምከ፡ ዘተሰብሐ፡ ወተወደሰ፨
- በአፈ፡ ካህናት፡ ኄራን፡ እለ፡ አድምኡ፡ ሞገሰ፨
- ከመ፡ እስብሐከ፡ ብሶይ፡ ስብሐተ፡ ሐዲሰ፨
- ዘጥበብ፡ መንፈሳዊት፡ ክድነኒ፡ ቃሰ፨
- ወበውስተ፡ ክርሥየ፡ ሐድለ፡ መንፈሰ፡ ቅዱሰ፨
-
- ሰላም፡ ለሥዕርተ፡ ርእስከ፡ ሕሩመ፡ ተጸፍሮ፡ እምንእሱ፨
- ወለርእስከ፡ ሰላም፡ ዘቆብዐ፡ መላእክት፡ ልብሱ፨
- ለእግዚአብሔር፡ ብሶይ፡ ዘትቀውም፡ ደብረ፡ መቅደሱ፨
- አቅም፡ ሊተ፡ አእምሮ፡ ዘመርኅበ፡ ልብየ፡ ያንሶሱ፨
- በከመ፡ ሐፃየ፡ ዐቀመ፡ ኢያሱ፨
-
- ሰላም፡ ለሰኰናከ፡ ወለመከየድከ፡ እለ፡ ቆማ፨
- ዐጸደ፡ ጸሎት፡ ወጾም፡ መግረሬ፡ ጸላኢ፡ መስቴማ፨
- ጻድቅ፡ ብሶይ፡ ፍሬ፡ ከርሠ፡ ሰማዕት፡ ዮሐንስ፡ ካማ፨
- ለክርስቶስ፡ እንበይነ፡ ፍቅሩ፡ ምሉአ፡ ሞገስ፡ ወግርማ፨
- ለዛቲ፡ ዓዸም፡ መነንከ፡ ጣዕማ፨
-
- ሰላም፡ ለፀአተ፡ ነፍስከ፡ ወለበድነ፡ ሥጋከ፡ ቅዱስ፨
- እምነ፡ ግማኔ፡ ወርኵስ፨
- እምአመ፡ አዕረፍከ፡ ብሶይ፡ በወርኀ፡ ማእረር፡ ታኅሣሥ፨
- እስከ፡ ዮም፡ ይበከይከ፡ ኵሉ፡ ዘነፍስ፨
- ወያስቆቅዉከ፡ አራዊት፡ ዘየብስ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ሕንጽት፨
- በስመ፡ ማርያም፡ ድንግል፡ ወላዲተ፡ ክርስቶስ፡ ሕይወት፨
- ንሥአ፡ ብሶይ፡ ዐሥራተ፡ ምሕረት፨
- ኀቤከ፡ ለዘይጼሊ፡ በዛቲ፡ ጸሎት፨
- ከመ፡ ቅድመ፡ ገጹ፡ ኢይቁም፡ መልአኩ፡ ለሞት፨
-
- እግዚአብሔር፡ መፍቀሬ፡ ሰብእ፡ ዘዐጸደ፡ መስቀል፡ ኀለፈ፨
- ጸሪቀ፡ መበለት፡ አሐቲ፡ ከመ፡ ቅድመ፡ ዘመን፡ ተወከፈ፨
- ተወከፍ፡ ብሶይ፡ ዘሰላምየ፡ መጽሐፈ፨
- ወልስሐተ፡ ቃሉ፡ ቅሥም፡ ዘልፈ፨
- ውስተ፡ ምድረ፡ በድው፡ ኢይኩን፡ ግዱፈ፨