Subjects
Martyr
ገላውዴዎስ፡
Galāwdewos
Claudius
Claudius
Malkəʾ
-
- በስመ፡ እግዚአብሔር፡ ሥሉስ፡ ለአዳም፡ ዘፈጠሮ፨
- መልክአ፡ ውዳሴከ፡ እጽሕግ፡ እምብዙኅ፡ በአኅፅሮ፨
- ተራድአኒ፡ እትናገር፡ እንዘ፡ ብየ፡ ኢያእምሮ፨
- ገላውዴዎስ፡ እምአእምሮከ፡ ምልአኒ፡ አእምሮ፨
- ከመ፡ እንብብ፡ ለከ፡ በሐዋዝ፡ ዘምሮ፨
-
- ሰላም፡ ለዝክረ፡ ስምከ፡ ሥነ፡ ጸውዖቱ፡ ዘአደመ፨
- እምሥነ፡ ከዋክብት፡ ወወርኅ፡ ዘአሠርገዉ፡ ዓለመ፨
- ገላውዴዎስ፡ ግበር፡ ትእምርተ፡ ሃይማኖት፡ መድምመ፨
- አቡከ፡ ሙሴ፡ በዘመነ፡ ፈርዖን፡ ቅድመ፨
- ማየ፡ በሥልጣኑ፡ ከመ፡ ገብረ፡ ደመ፨
-
- ሰላም፡ ለሥዕርትከ፡ በማየ፡ ሃይማኖት፡ መንፈስ፡ ቅዱስ፨
- ዘበቈለ፡ ቦቱ፡ ዲበ፡ ምድር፡ ሥጋከ፡ ርእስ፨
- ገላውዴዎስ፡ ድንግል፡ እንዘ፡ ሀሎከ፡ በከርሥ፨
- ቀደስኩከ፡ ይቤ፡ ከመ፡ ኍልቈ፡ ስሙ፡ ኃምስ፨
- ወልደ፡ ባሕርይሁ፡ ለአብ፡ ኢየሱስ፡ ክርስቶስ፨
-
- ሰላም፡ ለሰኳንዊከ፡ እምፍኖተ፡ ምግባር፡ ዘኢተአቅጻ፨
- እምቁመተ፡ ካህድ፡ ይድኀፃ፨
- ገላውዴዎስ፡ ምላህ፡ እምልብነ፡ ሥርወ፡ ዐመፃ፨
- ለነፍስነ፡ ወርኅ፡ ከመ፡ ኢብዛኅ፡ ሕፀፃ፨
- እምነ፡ ምልአታ፡ ዐባይ፡ ወሥሩዕ፡ ተግሣፃ፨
-
- ሰላም፡ ለመቃብሪከ፡ መቃብረ፡ ጻድቃን፡ ዘተብህለ፨
- እለ፡ ያማስና፡ ወይነ፡ ዘኢረሰያሁ፡ ምጽላለ፨
- ገላውዴዎስ፡ ለነ፡ እምኢያብዘኅከ፡ ስኢለ፨
- ኢትረክብ፡ አባ፡ እምአስዋክ፡ አስካለ፨
- ወእምነ፡ ዓፅ፡ ዘይት፡ በላዕ፡ እክለ፨