Details
-
- እስመ፡ ብዙኃን፡ አኃው፡ እለ፡ እሙንቲ፡ ቀደሙኒ፨
- አኀዙ፡ ይንግሩ፡ ዝክረ፡ ስምከ፡ ዝስይሤኒ፨
- አነኒ፡ ማሕሌተ፡ መልክእከ፡ ይእዜኒ፨
- ከመ፡ እጽሐፍ፡ በበ፡ ምትልው፡ ሊተኒ፡ ረትአኒ፨
- ዐዚዝ፡ ላሊበላ፡ ዓለመ፡ ዘትቀኒ፨
-
- ሰላም፡ ለዝክረ፡ ስምከ፡ ከመ፡ ቃለ፡ ማዕነቅ፡ ድሙጽ፨
- በአህጉር፡ ወዓፅ፨
- ላሊበላ፡ ፍቅርከ፡ ውስተ፡ ልብየ፡ ሕኑጽ፨
- ይሱቀኒ፡ አድኅኖትከ፡ እምነ፡ ትንታኔ፡ ወዳኀፅ፨
- ወይሂጶ፡ ለፀርየ፡ ጸሎትከ፡ ሐጽ፨
-
- ሰላም፡ ለመቃብሪከ፡ በዐጸደ፡ ቅድስት፡ ጎልጎታ፨
- ለመቃብረ፡ ክርስቶስ፡ ካልእታ፨
- ላሊበላ፡ በለዝ፡ ለጥበብ፡ ዐምደ፡ ቤታ፨
- እሞተ፡ ጌጋይ፡ ከመ፡ ትትነሣእ፡ ሕያውታ፨
- ለነፍስየ፡ በላ፡ ተንሥኢ፡ ጣቢታ፨
-
- እምትራፈ፡ ገድልከ፡ ንስቲተ፡ ፍተ፡ ጻማከ፡ እዜኑ፨
- ውዱሰ፡ ምግባር፡ ላሊበላ፡ ለእግዚአብሔር፡ ዐርከ፡ ምእመኑ፨
- በምጽዋት፡ ፈጸምከ፡ ንዋየ፡ ለእግርከ፡ እስከ፡ አሣዕኑ፨
- እንዘ፡ ንጉሥ፡ በሥልጣኑ፡ ወመስፍን፡ በምኵናኑ፨
- ዘኢያትረፈ፡ ልብሰ፡ ለበድኑ፡ ከማከ፡ መኑ፨