Details
-
- ሰላም፡ ለዝክረ፡ ስምከ፡ እምቅድመ፡ ኦርያሬስ፡ ሀላዊ፨
- እምሥርቀተ፡ ቤዝ፡ ጽባሓዊ፨
- ኢየሱስ፡ ክርስቶስ፡ ፍጹመ፡ ተሰብኦ፡ ናዝራዊ፨
- ግራህተ፡ ልብየ፡ በጠለ፡ መንፈስከ፡ አርዊ፨
- መሓልየ፡ ስምከ፡ በአፉገ፡ ያሕመልምል፡ ወይስዊ፨
-
- ሰላም፡ ለሕማምከ፡ ወልደ፡ እግዚአብሔር፡ ከሃሊ፨
- ለቤዝወ፡ ዓለም፡ ኵሉ፡ እምእደ፡ መስቴማ፡ ማህጐሊ፨
- ዐስየ፡ ሕይወት፡ እግዚእ፡ ላዙ፡ ኀቤከ፡ ይጼሊ፨
- ሕማመ፡ ሞትከ፡ ሶበ፡ ይዜከር፡ ወይሄሊ፨
- ውስተ፡ ዕመቀ፡ ብካይ፡ ወላሕ፡ ልብየ፡ ይቀሊ፨
-
- ሰላም፡ ለእኅዝትከ፡ ኢየሱስ፡ ክርስቶስ፡ እግዚእነ፨
- በእደ፡ እብራዊ፡ ለሕማም፡ እምግብርናተ፡ ሞት፡ ታግዕዘነ፨
- እመሰ፡ በሥምረትከ፡ ኢኮነ፨
- አእዳወ፡ እብራዊ፡ ፍጡነ፨
- እምኮነ፡ አእባነ፨
-
- ሰላም፡ ለሥዕርተ፡ ርእስከ፡ ለነፍኒፈ፡ ሌሊት፡ ምዕቃሉ፨
- ወከመ፡ ስኂን፡ አምሳሉ፨
- ኢየሱስ፡ ክርስቶስ፡ ለመዝራዕትከ፡ ከሃሌ፡ ኵሉ፨
- ገዳመ፡ መድበራ፡ አመ፡ ኤሉ፨
- ዘዐቀብኮሙ፡ ለእሉ፡ እፎኑመ፡ ዲበ፡ ዕፅ፡ ኪያከ፡ ሰቀሉ፨
-
- ሰላም፡ ለከተማ፡ ርእስከ፡ ዘኰርእዎ፡ በህለት፡ ሶበ፡ ቀንኡ፨
- ለሄሮድስ፡ ማኅበረ፡ ሰብኡ፨
- ኢየሱስ፡ ክርስቶስ፡ ለእግዚአብሔር፡ በግዑ፨
- እምቤተ፡ ምቅናይ፡ እለ፡ ወእሉ፨
- ለመዝራእትከ፡ በጽንዑ፡ በበትረ፡ ሐለት
- [This record is currently incomplete but will be updated in the future.]