መልክአ፡ ቂርቆስ፡ Malkəʾa Qirqos

Image of Cyricus

- ኦክርስቶስ፡ ናዝራዊ፡ ዘተወከፍከ፡ ሕማመ፨
- ፀሓይ፡ ብሩህ፡ ወጽዱል፡ አመ፡ ሱራሬሁ፡ አጽለመ፨
- መጽሐፈ፡ ዜናሁ፡ ለቂርቆስ፡ መንፈሳዊ፡ ወዘመልክኡ፡ ሰላመ፨
- ጸሐፍ፡ ውስተ፡ ልብየ፡ እንዘ፡ ትገብር፡ ቀለመ፨
- ደመከ፡ አምላካዊ፡ በመስቀል፡ ዘዘንመ፨
- ሰላም፡ ለዝክረ፡ ስምከ፡ ቂርቆስ፡ ሕፃን፨
- ዘፍካሬሁ፡ ተብህለ፡ ጽጌ፡ ምዑዝ፡ ዕፍራን፨
- ለዝስምከ፡ ነጋሢ፡ ዘኢየዐርቆ፡ ሥልጣን፨
- ሶበ፡ ይጼውዖ፡ ልሳንየ፡ ውስተ፡ ገጸ፡ ኵሉመካን፨
- ይደንግፅ፡ ሞት፡ ወይጕየይ፡ ሰይጣን፨
- ሰላም፡ ለሥዕርተ፡ ርእስከ፡ ዘሠረፁ፡ ወበቈሉ፨
- ለርእስከ፡ በላዕሉ፨
- በለኒ፡ ቂርቆስ፡ ዘይቤ፡ ለክርስቶስ፡ እግዚአ፡ ኵሉ፨
- ሀብተ፡ በረከቱ፡ ወሞገሰ፡ ቅዱስ፡ መስቀሉ፨
- ለዓለመ፡ ዓለም፡ እምይእዜ፡ ምስሌከ፡ የሀሉ፨
- ሰላም፡ ሰላም፡ ወሰላም፡ እብሎን፨
- ለአፃብዒከ፡ ዐሥር፡ ምስለ፡ አጽፋሪሆን፨
- ኀድፈኒ፡ ቂርቆስ፡ ኖትያ፡ መንገለ፡ መርስ፡ ወዛኅን፨
- እስመ፡ ናሁ፡ አስጠሙ፡ ኅሊናየ፡ በዝዘመን፨
- ሰቆቃው፡ ጤግሮስ፡ ወግዮን፡ ኀዘን፨
- ሰላም፡ ለበድነ፡ ሥጋከ፡ በሰረገላሁ፡ ዘተኀብአ፨
- ለነቢይ፡ ኤልያስ፡ በሕገ፡ አምላክ፡ ዘቀንአ፨
- መምህረ፡ መምህራን፡ ቂርቆስ፡ እንተ፡ ታጸድቅ፡ ኃጥአ፨
- ጌጋይየ፡ ሥረይ፡ ለአባሲ፡ በከመ፡ መምህርከ፡ ሠርዐ፨
- ወኅድግ፡ አበሳየ፡ በበ፡ ስብዕ፡ ስብዓ፨
- ሰላም፡ ለሕማምከ፡ ወለግፍዕከ፡ ብዙኅ፨
- እንተ፡ ያበኪ፡ አልባበ፡ ከመ፡ ግᎈ፡ ክርስቶስ፡ ርኅሩኅ፨
- ክረምተ፡ ፍሥሓየ፡ ቂርቆስ፡ ለብእሴ፡ ሰቆቃው፡ ወላሕ፨
- ያንጠብጥብ፡ በላዕሌየ፡ መጠነ፡ ሠለስቱ፡ አውራኅ፨
- ነጠብጣበ፡ ትፍሥሕት፡ በረከትከ፡ ወዝናም፡ ንጹሕ፨
- ሰላም፡ ለነቅዐ፡ ደምከ፡ ዘተቶስሐ፡ በደሙ፨
- ለበግዐ፡ መስቀል፡ ክርስቶስ፡ እንተ፡ ያደንግፅ፡ ዜና፡ ሕማሙ፨
- እኅወ፡ ሰማዕታት፡ ቂርቆስ፡ ወለሐዋርያት፡ ወልዶሙ፨
- ለእለ፡ ገብሩ፡ ተዝካረከ፡ ጸጋ፡ መንፈስ፡ ቅዱስ፡ ሀቦሙ፨
- ወዕሤተ፡ ጽድቅ፡ በሰማይ፡ አስተዳሉ፡ ሎሙ፨
- ሰላም፡ ለህላዌከ፡ ማእከለ፡ ሰባዕቱ፡ ነገድ፨
- እለ፡ ስኡላን፡ በነድ፨
- አስተምሕር፡ ቂርቆስ፡ ቅድመ፡ መንበረ፡ አብ፡ ወወልድ፨
- ኀበ፡ ተሐንጸ፡ መርጡልከ፡ ወዘዚአከ፡ ዐጸድ፨
- ኢይምጻእ፡ በዓለም፡ ዘይቀትል፡ ብድብድ፨
- በሰላመ፡ መንፈስ፡ ቅዱስ፡ ሰላም፡ ሰላም፨
- ለሥነ፡ ቆምኪ፡ አዳም፨
- ኢየሉጣ፡ ገነት፡ ዘመዐዛኪ፡ ጥዑም፨
- ይትከዐው፡ ውስተ፡ አፉየ፡ ሐሊበ፡ አጥባትኪ፡ ዮም፨
- ከመ፡ እምደመና፡ ይትከዐው፡ ወይወርድ፡ ዝናም፨
- ሰላም፡ ለመልክኣትኪ፡ አርብዓ፡ ወሠለስቱ፨
- ዓዲ፡ ሰላም፡ ለጠባይዕኪ፡ አርባዕቱ፨
- ኢየሉጣ፡ ቅድስት፡ ለቂርቆስ፡ ወላዲቱ፨
- ሰአሊዮ፡ በእንቲአየ፡ ከመ፡ ኢይጥፋእ፡ በከንቱ፨
- ለእግዚአብሔር፡ አምላከ፡ ጽድቅ፡ ዘብዙኅ፡ ምሕረቱ፨
- ለዝንቱ፡ ቃለ፡ ማሕሌት፡ ወለዝንቱ፡ ድርሳን፨
- ለዘጸሐፎ፡ በአእዳው፡ ወለዘአንበቦ፡ በልሳን፨
- ወለዘሰምዐ፡ ቃላቲሁ፡ በክልኤ፡ አእዛን፨
- ኅቡረ፡ ይባርኩነ፡ በእዘዘ፡ ክርስቶስ፡ ብርሃን፨
- ቅዱሳት፡ አፃብዒሁ፡ ለቂርቆስ፡ ሕፃን፨
- ማሕሌተ፡ መልክኡ፡ ለቂርቆስ፡ ወዘኢየሉጣ፡ አባሉ፨
- ናሁ፡ ጸሐፍኩ፡ እንዘ፡ አስተዋፅእ፡ እምነ፡ ገድሉ፨
- ባርኪ፡ ሊተ፡ ማርያም፡ እግዝእተ፡ ኵሉ፨
- ዘባረኪ፡ በዲበ፡ ምድር፡ ቡሩክ፡ በላዕሉ፨
- ወዘቀድስኪ፡ ለዓለም፡ ዘይሄሉ፨

Details

Subject

Martyr ቂርቆስ፡
Qirqos
Cyricus

Clavis Aethiopica: 3095 CAe: 3095
MC: 375, 124 | HK: 207
Permalink: https://w3id.org/malke/3095/
Last modified: 21 June 2025

XML JSON src BetMaṣ

Bibliography Z

Grébaut, Sylvain. “Les manuscrits éthiopiens de M. E. Delorme.” Revue de l’Orient Chrétien 17 (1912): 113–32.