Subjects
Martyr
ሚናስ፡
Minās
Menas
Menas
Malkəʾ
-
- ኦማርያም፡ ወለተ፡ ይሁዳ፡ ወሌዊ፨
- ውስተ፡ አፈ፡ አብዳን፡ ጥበበ፡ ዘታስተዳልዊ፨
- ለፈቁረ፡ ዚአኪ፡ ሚናስ፡ መልህቀ፡ ሃይማኖት፡ መንፈሳዊ።
- ከመ፡ እምገድላቲህ፡ ወትሩፋቲሁ፡ ሀላዊ፨
- ጠለ፡ መንፈስ፡ ቅዱስ፡ ላዕሌየ፡ እምሰማይ፡ ከዓዊ፨
-
- ሰላም፡ ለዝክረ፡ ስምከ፡ በሰሌዳ፡ ሕጉ፡ ዘተለክአ፨
- ለእግዚአብሔር፡ ክርስቶስ፡ ዘቅብዓ፡ ነከራ፡ ተቀብአ፨
- ምስለ፡ ሰማዕታት፡ ሚናስ፡ አመ፡ ትገብር፡ ከብካበ፡ መርዓ፨
- ምስሌከ፡ እገብር፡ ፋሪሲካ፡ ኢታቁሙኒ፡ በአፍአ፨
- ወስረይ፡ አበሳየ፡ በበ፡ ስብዕ፡ ስብዓ፨
-
- ሰላም፡ ለዘውረ፡ ቀርነብከ፡ ወለዓይንከ፡ ቤዘ፡ ጽባሕ፨
- ወለእዝንከ፡ ሰማዒ፡ ትእዛዛተ፡ ክርስቶስ፡ መሲሕ፨
- ኅሩይ፡ ሚናስ፡ በደመ፡ ስምዕ፡ ንዙኅ፨
- ሕፅበኒ፡ ወአንጽሐኒ፡ እምዛኅለ፡ ኃጢአት፡ ርሱሕ፨
- ለኃጥእ፡ ገብርከ፡ ለለይሠርቅ፡ ጎሕ፨
-
- ሰላም፡ ለተቀሥፎትከ፡ ወለገቦከ፡ ልፁቀ፡ ከርሥ፨
- ወለልብከ፡ ሰላም፡ ኰናኔ፡ ሰኰና፡ ወርእስ፨
- ኅሩይ፡ ሚናስ፡ ዘውገ፡ ጊዮርጊስ፨
- ኅብአኒ፡ በጽላሎትከ፡ እምነ፡ ምንሳዌ፡ ርእስ፨
- አርአያ፡ ቀዳሚ፡ ተኀብአ፡ አበ፡ ሕዝብ፡ ሠላስ፨
-
- ሰላም፡ ለበድነ፡ ሥጋከ፡ ወለግንዘትከ፡ በሰንዶናት፨
- ዓዲ፡ ሰላም፡ ለዝኅርከ፡ ኅትምት፨
- ኅሩይ፡ ሚናስ፡ ሠርዌ፡ ሰማዕታት፨
- ለእለ፡ ገብሩ፡ ተዝካረከ፡ በዛቲ፡ ዕለት፨
- ባልሖሙ፡ እግዚእየ፡ እምኵሉ፡ ምንሱት፨