Subjects
Righteous
ሰላማ፡
Salāmā
Salāmā
Salāmā
Malkəʾ
-
- እዌጥን፡ እንዘ፡ እብል፡ ወእነግር፡ ክሡተ፨
- እምገድልከ፡ ብዙኅ፡ አየድዕ፡ ንስቲተ፨
- ለሀገሪትነ፡ ዛቲ፡ ዘኮንከ፡ ማኅቶተ፨
- አባ፡ ሰላማ፡ ሐዋርያነ፡ አንተ፨
- መንፈሳዊ፡ ንጉሥ፡ ዜነወነ፡ ዘንተ፨
-
- ሰላም፡ ለዝክረ፡ ስምከ፡ ከመ፡ ዝክረ፡ ፀሐይ፡ ብሩህ፨
- ወከመ፡ ዝክረ፡ ወርኅ፡ ፍሡሕ፡ ዘአሜ፡ ገሃህ፨
- አባ፡ ሰላማ፡ ተአምሪከ፡ ብዙኅ፨
- ተማኅፀንኩ፡ በረድኤትከ፡ ወጸሎትከ፡ ንጹሕ፨
- ከመ፡ ታድኅነኒ፡ እምአርዌ፡ ቀይሕ፨
-
- ሰላም፡ ለሥዕርተ፡ ርእስከ፡ ዘጸሊም፡ ኅበሪሁ፨
- ወድሉል፡ ድምድማሁ፨
- አባ፡ ሰላማ፡ ለወልደ፡ ማርያም፡ ሰባኪሁ፨
- ርድአኒ፡ በጸሎትከ፡ አመ፡ ዕለተ፡ ጊዜ፡ እላሁ፨
- ከመ፡ ይረድኦ፡ ፍቁር፡ ለፍቁር፡ እኁሁ፨
-
- ሰላም፡ ለአጽፋረ፡ እግርከ፡ ጽፋረ፡ እግርከ፡ ዘተመሰለ፡ ፀዓድዒደ፨
- ተሴርዮተ፡ ኅብር፡ ዘኢለመደ፨
- አባ፡ ሰላማ፡ ገድለ፡ ዚአከ፡ ፈድፈደ፨
- ከመ፡ ታንብረኒ፡ ምስሌከ፡ ገሃደ፨
- አመ፡ ዕለተ፡ ፍዳ፡ እምዓውድ፡ ኢይኩን፡ ስዱደ፨
-
- ሰላም፡ ለቆምከ፡ ዘይመስል፡ ዓርዘ፨
- እንተ፡ ዘበቈለ፡ ማእከለ፡ አፍላግ፡ ዘውሕዘ፨
- አባ፡ ሰላማ፡ ዘፈጸምከ፡ ትእዛዘ፨
- ላዕለ፡ ስብከትከ፡ ለእመ፡ አምጽአ፡ ጋዕዘ፨
- በኲናተ፡ ወንጌል፡ በሊሕ፡ ለይኩን፡ ውጉዘ፨
-
- ሰላም፡ እብል፡ ለመልክዕከ፡ ኵሉ፨
- በበ፡ አርአያሁ፡ ወበበ፡ አምሳሉ፨
- አባ፡ ሰላማ፡ ለእግዚአብሔር፡ ሰባኬ፡ ቃሉ፨
- ኪያከ፡ ዘተወከሉ፡ እንዘ፡ ያብዕሉ፨
- ዕሤተ፡ ቡራኬከ፡ ፈኑ፡ እምሰማይ፡ ዘላዕሉ፨