Subjects
Martyr
ጊዮርጊስ፡
Giyorgis
George
George
Malkəʾ
-
- እንዘ፡ እነብር፡ ጽሩዐ፡ ወእትሀከይ፡ ዘልፈ፨
- ምንተ፡ እሬሲ፡ እስመ፡ ወርኀ፡ ማእረር፡ ኀለፈ፨
- ተቅራመ፡ ውዳሴከ፡ እኅሥሥ፡ እመስተገብራን፡ ዘተርፈ፨
- እምስብሐቲከ፡ ዝናም፡ ከመ፡ እዜኑ፡ ነፍኒፈ፨
- ጊዮርጊስ፡ ሀበኒ፡ ልሳነ፡ ወአፈ፨
-
- ሰላም፡ ለጣዕመ፡ ስምከ፡ እንተ፡ ተመሰለ፡ ወይነ፨
- ዘያስተፌሥሕ፡ አልባበ፡ ወዘያረስዕ፡ ኀዘነ፨
- ለለ፡ ጸዋዕኩ፡ ጊዮርጊስ፡ ስመከ፡ መድኅነ፨
- በባሕር፡ ወበየብስ፡ ተራድአኒ፡ ፍጡነ፨
- እስመ፡ ኪያከ፡ ተወከልኩ፡ አነ፨
-
- ሰላም፡ ለሥዕርተ፡ ርእስከ፡ እለ፡ ተነክሩ፡ ወተበፅዑ፨
- በጸዊረ፡ ኀይል፡ መዋኢ፡ ለሰምሶን፡ እምቈናዝዑ፨
- ምስፍነ፡ ሰማዕታት፡ ጊዮርጊስ፡ ተዐጋሤ፡ ሥቃይ፡ ለለ፡ ሳዑ፨
- ያንሶጥጥ፡ ሥዕርተ፡ ርእስየ፡ በሐልዮ፡ ጻዕርከ፡ ጽንዑ፨
- ወዲበ፡ አባል፡ እሳተ፡ ዘይክዑ፨
-
- ሰላም፡ ለመላክኢከ፡ ተስፋ፡ ትንሣኤ፡ ዘአግሀዱ፨
- እስከነ፡ ኮኑ፡ ሐመደ፡ እምድኅረ፡ በእሳት፡ ነዱ፨
- ጊዮርጊስ፡ አማን፡ ለሕያው፡ ወልዱ፨
- ተኵላተ፡ ስብዓ፡ እለ፡ መሢጠ፡ ለመዱ፨
- ይሞኡከ፡ ስእኑ፡ ለበግዕ፡ አሐዱ፨
-
- በከመ፡ ተወክፈ፡ እግዚእከ፡ ጸራይቀ፡ መበለት፡ ክልኤተ፨
- ወአንብዐ፡ ብእሲት፡ ኃጥእት፡ እንተ፡ ቀብአቶ፡ ዕፍረተ፨
- በኢዮቤልዩ፡ አሐተ፡ ወበበ፡ ሱባኤ፡ ሰባዕቱ፨
- ዘአባእኩ፡ እምተጽናስየ፡ ለመልክእከ፡ ስብሐቱ።
- ተወኪፈከ፡ ጊዮርጊስ፡ ሀበኒ፡ ዕሤቱ፨