Subjects
Righteous
በትረ፡ ማርያም፡
Batra Māryām
Batra Māryām
Batra Māryām
Batra Māryām
Malkəʾ
-
- እሴብሖ፡ ለእግዚአብሔር፡ ተወካፌ፡ ስብሐት፡ ወቅዳሴ፨
- ከመ፡ ይፍክለኒ፡ እንብ፡ ለመልክእከ፡ ውዳሴ፨
- በትረ፡ ረድኤታ፡ ለድንግል፡ ማርያም፡ ወለተ፡ እሴ፨
- አኮ፡ አኮ፡ ትእምርተ፡ በትሩ፡ ለሙሴ፨
- ቅድመ፡ አፍአውያን፡ ሕዝብ፡ ዘቀጥቀጠ፡ ከይሴ፨
-
- ሰላም፡ ለዝክረ፡ ስምከ፡ በትረ፡ አእምሮ፡ ወጽኑዕ፨
- ወለሥዕርተ፡ ርእስከ፡ ሰላም፡ ዘአክሊለ፡ ክብሩ፡ ቆብዕ፨
- በትረ፡ ማርያም፡ ጴጥሮስ፡ ተወካፌ፡ መስቀል፡ ወግፍዕ፨
- ባርክ፡ ሊተ፡ ህላዌየ፡ መካነ፡ ጽማዌ፡ ወስንዕ፨
- እንበለ፡ ተሀብውከ፡ አሀሉ፡ ወልድከ፡ ኃጥእ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ዘጌ፨
- በጸዊረ፡ ሥጋከ፡ ቅዱስ፡ ዘጼነወት፡ አምሳለ፡ ጽጌ፨
- በትረ፡ ማርያም፡ ሉቃስ፡ ጸሓፌ፡ ብስራት፡ በኢኑታጌ፨
- ስረይ፡ ሊተ፡ አበሳየ፡ እንዘ፡ ትከውን፡ ኀዳጌ፨
- እስመ፡ ሥልጣኖ፡ ነሣእከ፡ ለክርስቶስ፡ ሐርጌ፨
-
- ተወኪፈከ፡ እግዚኦ፡ አምኃ፡ ውዳሴከ፡ ዝንቱ፨
- እምሥያጠ፡ መንፈስ፡ ዘወፅአ፡ ለወልድከ፡ ዐቅመ፡ ንዴቱ፨
- በትረ፡ ማርያም፡ ያዕቆብ፡ ባርከኒ፡ ለለ፡ ሰዓቱ፨
- እስመ፡ በረከት፡ አረቦነ፡ ሕይወት፡ ውእቱ፨
- ከመ፡ ለአብርሃም፡ አበ፡ ሕዝብ፡ ተባረከ፡ ቤቱ፨