Subjects
Righteous
ኢየሱስ፡ ሞአ፡
ʾIyyasus Moʾa
ʾIyyasus Moʾa
ʾIyyasus Moʾa
ʾIyyasus Moʾa
Malkəʾ
-
- ነዋ፡ ወፈርኩ፡ በረድኤተ፡ ድንግል፡ ወወልዳ፨
- ፍቁርከ፡ እቅሥም፡ ማሕሌተከ፡ ጽጌ፡ ረዳ፨
- ኢየሱስ፡ ሞአ፡ ጳውሎስ፡ ለቤተ፡ ክርስቲያን፡ ድዳ፨
- ደምስስ፡ እምላዕሌየ፡ መጽሐፈ፡ ኃጢአት፡ ወዕዳ፨
- አርአያ፡ ትደምስስ፡ ቅድመ፡ ስመ፡ ረድእ፡ ይሁዳ፨
-
- ሰላም፡ ለዝክረ፡ ስምከ፡ በብሂለ፡ መዊእ፡ ዘበዝኆ፨
- ለስመ፡ ኢያሱ፡ መስፍን፡ ልሳነ፡ እስራኤል፡ እንተ፡ ሰብሖ፨
- ኢየሱስ፡ ሞአ፡ ፀሓይ፡ ለጽልመት፡ ዘታበርሆ፨
- ለቃለ፡ አፉየ፡ እማእሠሪሁ፡ ፍትሖ፨
- ወምድረ፡ ውዳሴከ፡ ይቅኒ፡ መባሕተ፡ አብሖ፨
-
- ሰላም፡ ለሥዕርተ፡ ርእስከ፡ እንተ፡ ተሰብሐ፡ ቦቱ፨
- ለእግዚአብሔር፡ ወልድ፡ ቀጸላ፡ ሠናይ፡ አርዑቱ፨
- ኢየሱስ፡ ሞአ፡ ዕፅዎ፡ ለከርሠ፡ ፍትወትየ፡ ወላዴ፡ ከንቱ፨
- በእደ፡ ነበይ፡ መጠነ፡ ዓመታት፡ ሠለስቱ፨
- ከመ፡ ለዝናም፡ ተዐፅው፡ ኆኅቱ፨
-
- ሰላም፡ ለመቃብሪከ፡ ዘትሰመይ፡ ሐይቅ፨
- እንተ፡ ይእቲ፡ ቤቱ፡ ለእስጢፋኖስ፡ ሊቅ፨
- ኢየሱስ፡ ሞአ፡ በለኒ፡ ከመ፡ እክድንከ፡ በጽስቅ፨
- ምስሌየ፡ ጽናሕ፡ ትንሣኤ፡ በውስተ፡ ርኳም፡ ወንፍቅ፨
- እስከ፡ ይትፌጸሙ፡ አኃውየ፡ እምዐረብ፡ ወሠርቅ፨
-
- በኍልቈ፡ ጾም፡ አርብዓ፡ ወበኍልቈ፡ ቃላት፡ ስሱ፨
- ፍዳ፡ መልክኣቲከ፡ ኵሎን፡ ከናፍርየ፡ ወደሱ፨
- ኢየሱስ፡ ሞአ፡ ጻድቅ፡ እንተ፡ ኢትሐሱ፨
- በለኒ፡ ለቃለ፡ አብ፡ ይሰወጥ፡ ብከ፡ መንፈሱ፨
- ከመ፡ ጸጋ፡ ሙሴ፡ ተሠውጠ፡ በመስፍን፡ ኢያሱ፨