Malkəʾa Śəqāyu la-Yosṭos (Image of the Suffering of Justus)

- ተማሕፀንኩ፡ በስምከ፡ መደንግፀ፡ ነገሥት፡ ስም፨
- ምስለ፡ ስመ፡ ፍቅር፡ አቦሊ፡ ወታውክልያ፡ ሰላም፨
- ርእሰ፡ ነገሥታት፡ ዮስጦስ፡ እስመ፡ ተስፋከ፡ ፍጹም፨
- ለክርስቶስ፡ ብዕለ፡ መንግሥቱ፡ ቅድመ፡ ገጽከ፡ አዳም፨
- ጽላሎት፡ ወርቅ፡ ወብሩር፡ ሕልም፨
- ተማሕፀንኩ፡ በኃይለከ፡ ዘፀባዒተ፡ ፋርስ፡ አድከመ፨
- ወመንግሥተ፡ ሮሜ፡ አቀመ፨
- ምስለ፡ ታውክልያ፡ ዮስጦስ፡ እንዘ፡ ተኃድግ፡ ዓለመ፨
- አጽናዕከ፡ በእደ፡ ልብ፡ መንኖ፡ ጥሪት፡ ቀስታመ፨
- ፍዳ፡ ደመ፡ ግፍዑ፡ ለወልድክሙ፡ ትከዓው፡ ደመ፨
- ተማሕፀንኩ፡ በፀአትክሙ፡ እምጽርሕክሙ፡ ርሱይ፨
- ዘመዝገበ፡ ወርቅ፡ ውስቴቱ፡ ወንዋየ፡ ብሩር፡ ጽሩይ፨
- ከመ፡ በእንተ፡ ጽድቅ፡ ትቁሙ፡ ውስተ፡ ዐውደ፡ መፍርህ፡ ሥቃይ፨
- ዮስጦስ፡ ደመና፡ ሣህል፡ ወታውክልያ፡ ሰማይ፨
- ዝናመ፡ ጥዒና፡ አዝንሙ፡ ለብእሲ፡ ድዉይ፨
- ተማሕፀንኩ፡ በንግደትክሙ፡ እምአንጾኪያ፡ ሀገር፨
- እስከ፡ ብሔረ፡ ግብጽ፡ ዐባይ፡ ውስተ፡ ከርሠ፡ ሐመር፡ በባሕር፨
- ከመ፡ ዘይነግድ፡ ወርቀ፡ በኃሚሠ፡ ገድል፡ መንክር፨
- ዮስጦስ፡ ወታውክልያ፡ ብዑላነ፡ ሰማይ፡ ወምድር፨
- ቅሩበ፡ ጥቃክሙ፡ አኅድሩኒ፡ ለብእሲ፡ ግዩር፨
- ተማሕፀንኩ፡ በተዘርዎትክሙ፡ ዮስጦስ፡ ኀበ፡ ስዒድ፨
- ወታውክልያ፡ ኀበ፡ ብሔረ፡ ካልእ፡ ወባዕድ፨
- እንዘ፡ ትትፈለጡ፡ በግብር፡ እምዘ፡ ዚአክሙ፡ ወልድ፨
- አመ፡ ትትጋብኡ፡ ውስተ፡ ሰማያዊት፡ ዐጸድ፨
- ላእካነ፡ ገጽ፡ ኩኑኒ፡ ኅበ፡ አብ፡ ዋሕድ፨
- ተማሕፀንኩ፡ በቀዊሞትከ፡ ቅድመ፡ አርያኖስ፡ መኰንን፨
- ከመ፡ ውስተ፡ ሰማይ፡ ትቁም፡ ኀበ፡ የማነ፡ ወልድ፡ መድኅን፨
- ኦዮስጦስ፡ ዘመደ፡ ነገሥት፡ ኄራን፨
- አትልወኒ፡ ከመ፡ አትለውካ መንገለ፡ ስቴ፡ ገድል፡ ወይን፨
- ለታውክልያ፡ ሥርጉት፡ በላህይ፡ ወስን፨
- ተማሕፀንኩ፡ በተመትሮትክሙ፡ እንዘ፡ ኢትፈርሁ፡ ሰይፈ፨
- እስከ፡ ሥጋክሙ፡ ቦቱ፡ እምፃማ፡ ድል፡ አዕረፈ፨
- ዮስጦስ፡ ታውክልያ፡ እለ፡ ኰነንክሙ፡ እልፈ፨
- ከመ፡ አእምር፡ ምሳሌ፡ ጽድቅ፡ ወነገረ፡ ጥበብ፡ ትሩፈ፨
- ይኩነኒ፡ ጸጋክሙ፡ ሠናየ፡ ሐጻፈ፨

ተረፈ፡ መልክእ፡
- ሰላም፡ ለክሙ፡ ማእከሌክሙ፡ በጽድቅ፡ መንግሥተ፡ ሰማያት፡ ነያ፨
- ፍዳ፡ መንግሥትክሙ፡ ትኩን፡ ዘአንጾኪያ፨
- ዮስጦስ፡ ወታውክልያ፨
- ሰላም፡ ለክሙ፡ አፍራሲክሙ፡ ይኩኑ፡ ደመናተ፡ ኃይል፡ ወጸጋ፨
- አዝማደ፡ አበሊ፡ ሕፃን፡ እንበለ፡ ንትጋ፨
- መነንክሙ፡ አፍራሰ፡ ሥጋ፨
- ሰላም፡ ለክሙ፡ እግዚእ፡ ዮስጦስ፡ ወታውክልያ፡ እግዝእት፨
- ግዑዛነ፡ መንፈስ፡ ትኩኑ፡ ወሰብአ፡ መንግሥት፨
- አግዐዝክሙ፡ ነፍሰ፡ አግብርት፨
- ሰላም፡ ለክሙ፡ እዮስጦስ፡ ወታውክልያ፡ ለዓለመ፡ ዓለም፡ ይሄሉ፨
- ዝክረ፡ ምጽዋትክሙ፡ ጽድቅ፡ በኀበ፡ ኵሉ፨
- መጻሕፍት፡ ከመ፡ ይቤሉ፨
- ሰላም፡ ለክሙ፡ ሶበ፡ ታውክልያ፡ ዮስጦስ፡ ነገረተከ፡ በቃል፨
- ብስራተ፡ ረድኤት፡ ዘሰምዓት፡ እምቃለ፡ ድንግል፨
- ተደለውከ፡ ለፍና፡ ገድል፨
- ሰላም፡ ለከ፡ ንጉሠ፡ ነገሥት፡ ዮስጦስ፡ ወርእሰ፡ ኵሉ፡ ሥዩም፨
- ወታውክልያ፡ ንግሥት፡ እምክብረ፡ ዓለም፨
- አብደርክሙ፡ ክዒወ፡ ደም፨
- ሰላም፡ ለከሙ፡ ሥርወ፡ ሀገራ፡ ዮስጦስ፡ ለአንጾኪያ፡ እምርት፨
- ወታውክልያ፡ እመ፡ ሰማዕት፨
- ዕቀቡኒ፡ ወትረ፡ በኍልቈ፡ ዕለት፨
- እምጸላኢ፡ ወኅቡእ፡ መሥገርት፨

መልክአ፡ ሥቃዩ፡ ለዮስጦስ፡ Malkəʾa Śəqāyu la-Yosṭos

Image of the Suffering of Justus

Subject