መልክአ፡ ሥላሴ፡
Malkǝʾa Śǝllāse
Image of the Trinity
-
- በስመ፡ አብ፡ ወወልድ፡ ወመንፈስ፡ ቅዱስ፡ ጥሙቅ፨
- እብል፡ አንሰ፡ ገባእተ፡ ሥላሴ፡ እምርሑቅ፨
- በገጸ፡ አዜብ፡ ወመስዕ፡ ወገጸ፡ ዐረብ፡ ወሠርቅ፨
- በቅስተ፡ አፉየ፡ ሐጸ፡ ስሞሙ፡ ውሡቅ፨
- ለነዲፈ፡ ዝኩ፡ መብረቅ፡ እምሰማይ፡ ውዱቅ፨
-
- ሰላም፡ እብል፡ ለአስማተ፡ ቅድስት፡ ሥላሴ፨
- በአርአያሆሙ፡ ዘፈጠሩ፡ እመሬተ፡ ምድር፡ ብእሴ፨
- ነሢእየ፡ በስመ፡ ሥላሴ፡ ሜሮነ፡ ቅዳሴ፨
- ከይድ፡ በከመ፡ ሥላሴ፡ ዘባነ፡ አንበሳ፡ ወከይሴ፨
- ለሥላሴሆሙ፡ አቄርብ፡ ውዳሴ፨
-
- ሰላም፡ ለዝክረ፡ ስሞሙ፡ በበ፡ ህላዌሁ፡ ወገጹ፨
- አስማተ፡ ሥላሴ፡ ዘይሬስዮሙ፡ ይንፍጹ፨
- ለእድውየ፡ ሳጥና፡ ወለመልአከ፡ ሞት፡ ቢጹ፨
- ወበዘይበረብሮሙ፡ ሥረተ፡ ወድምፁ፨
- በቀስተ፡ አፉየ፡ ኢይሰስል፡ ሐጹ፨
-
- ሰላም፡ ለጽሕምክሙ፡ ለሞገስ፡ ዘሤሞ፨
- በመላትሐ፡ አዳም፡ አስተዐዲሞ፨
- ዘፈጠርክሙ፡ ከካለ፡ ቆሞ፨
- ይምኖ፡ ወጽግሞ፡ ከዋላሁ፡ ወፍጽሞ፨
- ሥጋሁ፡ ወደሙ፡ ሥዕርቶ፡ ወጽሕሞ፨
-
- ሰላም፡ ለቆምክሙ፡ ለአዳም፡ ዘጸለሎ፨
- በአምጣነ፡ እደው፡ ፫እንዘ፡ ይሜጥን፡ አክሎ፨
- ሥላሴ፡ ቅረቡኒ፡ ለተሣህሎ፨
- ለእለ፡ ይፃረሩኒ፡ በተባቅሎ፡ እንዘ፡ ያርእዮሙ፡ ኀይሎ፨
- ለሥላሴሆሙ፡ ይግሕፎሙ፡ ዐውሎ፨
-
- ተዋሕዶቱ፡ ለመንፈስ፡ ቅዱስ፡ ከመዝ፡ ውእቱ፨
- መንፈስ፡ አብኒ፡ ወመንፈስ፡ ወልድ፡ ውእቱ፨
- ወፍጻሜ፡ ገጽኒ፡ ሥላሴ፡ ውእቱ፨
- አእምሮቶሙ፡ ውእቱ፡ ወጥበቦሙ፡ ውእቱ፨
- ዕመቀ፡ ምክሮሙ፡ ባሕቲቱ፡ የአምር፡ ውእቱ፨
-
- ____ ባዕደ፡ ዘእንበሌሆሙ፡ አምላከ፨
- አንሰ፡ እብል፡ በልብየ፡ ነግሀ፡ ወሰርከ፨
- ሥሉስ፡ ቅዱስ፡ ዘአልብክሙ፡ ተውሳከ፨
- በሉኒ፡ ሥላሴ፡ ስረይነ፡ ለከ፨
- ኀጢአተ፡ ኵሎ፡ ዘገበርከ፨