Subjects
Martyr
ኤስድሮስ፡
ʾEsdros
Isidore
Isidore
Malkəʾ
-
- በስመ፡ አብ፡ ወወልድ፡ ወመንፈስ፡ ቅዱስ፡ ትሥልስተ፡ መለኮት፡ ዋሕድ፨
- እንተ፡ ኢይፈልስ፡ ክብሩ፡ ወኢይትወሀብ፡ ለባዕድ፨
- ባሕርየ፡ ምግባር፡ ኤስድሮስ፡ ወዕንቈ፡ ሃይማኖት፡ መረግድ፨
- ከመ፡ እንግር፡ ዜና፡ ጽድቅከ፡ ለዘይመጽእ፡ ትውልድ፨
- ያንበልብል፡ በአጉየ፡ ጰራቅሊጦስ፡ ነስ፨
-
- ሰላም፡ እብል፡ ለዝክረ፡ ስምከ፡ በእማኄ፨
- እስመ፡ ተበፅዓ፡ ሞገሱ፡ እምስመ፡ መሳፍንት፡ እለ፡ ዮፍታሔ፨
- ጽዱለ፡ ምግባር፡ ኤስድሮስ፡ ዘትበርህ፡ ውስተ፡ ኵለሄ፨
- ናሁ፡ ወጠንኩ፡ ውዳሴከ፡ በሥምረተ፡ አምላክ፡ ኤሎሄ፨
- እንዘ፡ አእኵቶ፡ አቀድም፡ እምዝንቱ፡ ስባሔ፨
-
- ሰላም፡ ለመቃብሪከ፡ ውስተ፡ አምላካዊት፡ ምዕራፍ፨
- ቤተ፡ ክርስቲያን፡ ይእቲ፡ ዘክበደ፡ ብዕላ፡ ትሩፍ፨
- መስፍነ፡ ሠራዊት፡ ኤስድሮስ፡ ወርእሰ፡ ሰማዕታት፡ አእላፍ፨
- ስጥወ፡ ይኩን፡ ጸሎትየ፡ ቅድመ፡ ገጽከ፡ ለዘልፍ፨
- ከመ፡ ጼና፡ ዕጣን፡ ምዑዝ፡ ወመሥዋዕት፡ ውኩፍ፨
-
- ኦሰማዕት፡ ተጋዳሊ፡ ውስተ፡ ዐውደ፡ ንጉሥ፡ ዐላዊ፨
- ዘተሰቀልከ፡ ኤስድሮስ፡ አምሳለ፡ ኢየሱስ፡ ናዝራዊ፨
- እምቅድመ፡ እፍልስ፡ ፍጡነ፡ እምዓፀደ፡ ሥጋ፡ ምድራዊ፨
- አሕይወኒ፡ በጸሎትከ፡ ወሥልጣንከ፡ ማሕየዊ፨
- አመ፡ ለመዊት፡ ዐርክከ፡ ደዊ፨