Subjects
Prophet
ነቢያት፡
Nabiyāt
The Prophets
The Prophets
Malkəʾ
-
- በስመ፡ አብ፡ ወወልድ፡ ወመንፈስ፡ ቅዱስ፡ ሥላሴ፨
- እዌጥን፡ ዘዚአክሙ፡ ውዳሴ፨
- ተፈሥሑ፡ ብየ፡ ማኅበረ፡ ነቢያት፡ እለ፡ ሙሴ፨
- ከመ፡ ትትፌሣሕ፡ ብእሲት፡ ዘይከውና፡ ወራሴ፨
- ሶበ፡ በዓለም፡ አጥረየት፡ ወወደት፡ ብእሴ፨
-
- እመሰ፡ ይትከሀለኒ፡ ፍጻሜ፨
- ውዳሴክሙ፡ ወጠንኩ፡ ለዓለመ፡ ዓለም፡ ቀዋሜ፨
- ማኅበረ፡ ነቢያት፡ ንግሩኒ፡ ወመሐሩኒ፡ ትርጓሜ፨
- ኢየኀሥሥ፡ እንበሌክሙ፡ ወኢይሰአል፡ ሐላሜ፨
- ለእመ፡ መዋዕል፡ ኀለፈ፡ ወጐንደየ፡ ዕድሜ፨
-
- ሰላም፡ ለዝክረ፡ ስምክሙ፡ በመጽሐፈ፡ ሕይወት፡ ዘይሄሉ፨
- ድኅረ፡ ዓለማት፡ ወዘውስቴቶሙ፡ ኵሉ፨
- ማኅበረ፡ ነቢያት፡ ጽሑፋን፡ ለእግዚአብሔር፡ በቃሉ፨
- ከመ፡ ትጽብኡ፡ ጸላእትየ፡ ወዕድዋንየ፡ ትትትሉ፨
- ጽንዑ፡ እምአንበሳ፡ ወእምድብ፡ ኀይሉ፨
-
- ሰላም፡ ለመቃብሪክሙ፡ እለ፡ ኮኖሆን፡ አብያተ፨
- ለበድነ፡ ሥጋክሙ፡ ሕሩም፡ ዘእምዕፄያት፨
- ውዳሴክሙ፡ ፈጸምኩ፡ ማኅበረ፡ ክርስቶስ፡ ነቢያት፨
- ጸግዉኒ፡ ንዋየ፡ ጽድቅ፡ በዘዚአክሙ፡ ሠናይት፨
- ዘመስጠቶ፡ ኢይክል፡ ዲያብሎስ፡ ፈያት፨
-
- ምንትኑ፡ እምዐሠይክዎ፡ ዕሤተ፨
- ለብእሲተ፡ ኤንዶር፡ ጠባብ፡ እንተ፡ ታነሥእ፡ ዘሞተ፨
- በኅቡእ፡ ዘይከውን፡ ወዘይትገበር፡ ክሡተ፨
- ይዜንወኒ፡ ምሥጢረ፡ ወይንግረኒ፡ ትንቢተ፨
- አሐደ፡ እምነቢያት፡ ከመ፡ ታንቅሕ፡ ሊተ፨
-
- በእግዚአብሔር፡ አምላክ፡ እንዘ፡ እፀንስ፡ ኅሊና፨
- ለልሳንየ፡ እምሐቌሁ፡ ወለከናፍርየ፡ እማሕፀና፨
- ናሁ፡ ወለድኩ፡ ዘማኅበረ፡ ነቢያት፡ ዜና፨
- ለወላድ፡ ብእሲት፡ እምድኅረ፡ ወሊድ፡ ስእና፨
- ከመ፡ ወለደቶ፡ ለሳሙኤል፡ ሐና፨
-
- እምዝንቱ፡ ቃለ፡ መጽሐፍክሙ፡ ዘአሰሰለ፡ ሐአሐተ፨
- እንዘ፡ ትትቤ፡ ተልዎ፡ ነቢያት፡ ወትትመዐዑ፡ መዐተ፨
- አሰስልዎ፡ እምዕፀ፡ ሕይወት፡ ወረስይዎ፡ እቱተ፨
- ወለእመ፡ ቦቱ፡ ወሰከ፡ ንስትአ፨
- እግዚአብሔር፡ ላዕሌሁ፡ ይወስክ፡ መቅሠፍተ፨