መልክአ፡ እንጦንዮስ፡
Malkəʾa ʾƎnṭonyos
Image of Anthony
-
- በስመ፡ ሥላሴ፡ እለ፡ ተእኅዙ፡ በሐብለ፡ አሐቲ፡ ባሕርይ፨
- ፍሬያተ፡ ድርሳን፡ አሀብከ፡ አመ፡ ዕለተ፡ ቀስም፡ ዓባይ፨
- በገራህተ፡ ልብየ፡ አዝንም፡ እንጦንዮስ፡ ኅሩይ፨
- እምአየርከ፡ መንፈሳዊ፡ ዝናመ፡ አእምሮ፡ ሠናይ፨
- እስመ፡ ውስቴትከ፡ ሀለወት፡ ሰማይ፨
-
- ሰላም፡ ለዝክረ፡ ስምከ፡ ዘሆህያቲሃ፡ ሳድስ፨
- በጽላተ፡ ሰማይ፡ ዘለክአ፡ እግዚአብሔር፡ ንጉሥ፨
- እንጦንዮስ፡ አብ፡ ነጋዲ፡ በሐመረ፡ መስቀል፡ ቅዱስ፨
- አብዐለከ፡ ድኅረ፡ አጥረይኮ፡ በንዋይከ፡ ተጽናስ፨
- ለባሕርይ፡ ዘበአማን፡ ኢየሱስ፡ ክርስቶስ፨
-
- ሰላም፡ ለመቃብሪከ፡ ዘኢይትዐወቅ፡ ምስጢሩ፨
- እንበለ፡ መቃርዮስ፡ አብ፡ ዘደብረ፡ አስቄጥስ፡ ደብሩ፨
- ለዘተመስጠ፡ ልብከ፡ እንጦኒ፡ ለእግዚአብሔር፡ በሥነ፡ ፍቅሩ፨
- ቈስጠንጥዒኖስ፡ ወሰራዊቱ፡ አመ፡ በዝኀ፡ አውያት፡ ገብሩ፨
- ኢክህሉ፡ ያውርድዎ፡ እምልዑል፡ ማኅደሩ፨
-
- ለእለ፡ አቅረቡ፡ ለከ፡ ለመቅደስከ፡ በዐውዱ፨
- አምኃ፡ ድርሳን፡ እምኀምሳ፡ ዘይተርፍ፡ መጠነ፡ ፍቅዱ፨
- መዐዛ፡ በረከት፡ ሀቦሙ፡ እንጦንዮስ፡ ጽጌ፡ ናርዱ፨
- እስራኤል፡ ያዕቆብ፡ ለምናሴ፡ ወኤፍሬም፡ ውሉዱ፨
- ከመ፡ ወሀቦሙ፡ በረከተ፡ በቃሉ፡ ወእዱ፨
-
- ሰላም፡ ለከ፡ ሊቀ፡ ፈላስያን፡ አእላፍ፡ ወአበ፡ ብዙኃን፡ አበው፨
- ልስሐተ፡ ዓለም፡ ትቅስም፡ እንጦንዮስ፡ ጼው፨
- ዘፈለስከ፡ ብሔረ፡ በድው፨
-
- ሰላም፡ ለከ፡ ለበዓልከ፡ ዕለት፡ እንጦንዮስ፡ ለእለ፡ ጾርነ፡ ክበዳ፨
- ጸውዐነ፡ ንቅስም፡ ፍሬ፡ ዐጸዳ፨
- እስመ፡ ከመ፡ ኃጥእ፡ ጻድቅ፡ ኢይነሥእ፡ ፍዳ፨
- ወበቤቱ፡ ኢያተርፍ፡ እዳ፨