Malkəʾa ʾƎč̣č̣a Həryāqos (Image of ʾƎč̣č̣a Həryāqos)

- በስመ፡ ሥላሴ፡ ቅድስት፡ እንዘ፡ አአምን፡ ወእትመሐፀን
- እክሕደከ፡ ፀርየ፡ ወጸላእትየ፡ ሰይጣን፨
- በቅድመ፡ ማርያም፡ ቅድስት፡ ወላዲተ፡ ክርስቶስ፡ መድኅን፨
- እዌጥን፡ አንሰ፡ ውዳሴሁ፡ በከሢተ፡ ጽዱቅ፡ ልሳን፨
- ለህርያቆስ፡ መምህርየ፡ ጳውሎስ፡ ብርሃን፨
- ሰላም፡ ለዝክረ፡ ስምከ፡ ዘሆህያቲሆን፡ ኃምስ፨
- ከመ፡ ዝክረ፡ ስሙ፡ ፍትው፡ ለወልደ፡ ማርያም፡ ክርስቶስ፨
- ህርያቆስ፡ ሉቃስ፡ ዐቃቤ፡ ሥራይ፡ ውዱስ፨
- ፈውሰኒ፡ በሥራይከ፡ እምሕማመ፡ ሥጋ፡ ወነፍስ፨
- ወእምነ፡ ደዌ፡ ጽኑዕ፡ ለብእሴ፡ ዝልጉስ፨
- ሰላም፡ ለሥዕርተ፡ ርእስከ፡ ዘኢተቀብአ፡ ወኢተጸፍረ፨
- ለርእስከ፡ ቅዳስት፡ እንተ፡ ተከድነት፡ ፊቃረ፨
- ህርያቆስ፡ ጴጥሮስ፡ ዘሥልጣንከ፡ ተነክረ፨
- ፍትሖ፡ ለኅሊናየ፡ ዘአብሐብለ፡ ትካዝ፡ ተአሠረ፨
- እስመ፡ ሃይማኖትከ፡ ወንጌላዊ፡ ያፈልስ፡ አድባረ፨
- ሰላም፡ ለበድነ፡ ስጋከ፡ ወለግንዘትከ፡ በዐጽፍ፨
- ወለመቃብሪከ፡ ቅድስት፡ ውስተ፡ ወንጌላዊ፡ ምዕራፍ፨
- ህርያቆስ፡ ውዱስ፡ በቅድመ፡ ቅዱሳን፡ አእላፍ፨
- ወቀሊል፡ ግብረ፡ ዚአከ፡ ምስለ፡ ጽዕድዋን፡ አእዋፍ፨
- ኢየሩሳሌም፡ ሰማያዊት፡ ትሰርር፡ በክንፍ፨
- እምተክለ፡ ሃይማኖት፡ ወኤልሳዕ፡ ወፊልጶስ፡ እስከነ፡ ካልኣን፡ ደቂቁ፨
- ወእስከነ፡ ወልዱ፡ ህርያቆስ፡ ፈጻሜ፡ ስምረቱ፡ ወጻሕቁ፨
- እስእለክሙ፡ አበው፡ ዘለለጽባሑ፡ ወሠርቁ፨
- ኪያየ፡ እምትንታኔ፡ ወእምፍና፡ ስሕተት፡ ትሱቁ፨
- ሶበ፡ እለ፡ ከማየ፡ ኃጥአን፡ አልጸቁ፡ ይደቁ፨
- እግዚአብሔር፡ ይትአኰት፡ እንተ፡ ተአኵተ፡ ቀዲሙ፨
- ወይትባረክ፡ ወልድ፡ ዘምስለ፡ ማርያም፡ እሙ፨
- ዘጸግዎሙ፡ ክሂለ፡ ከመ፡ በመስቀሉ፡ ይቁሙ፨
- ለህርያቆስ፡ ኤጲስቆጶስ፡ ወለአኃዊሑ፡ ኩሎሙ፨
- በረከተ፡ ከመ፡ ንንሣዕ፡ በዐለ፡ ንግበር፡ በስሙ፨
- ለተክለ፡ ሃይማኖት፡ ዘተሰብረ፡ አጽሙ፡ ወተዕወ፡ ደሙ፨
- ናሁ፡ ፈጸምኩ፡ ወሠለጥኩ፡ ውዳሴ፡ መልክዑ፡ ንስቲተ፨
- መጠነ፡ ተክህለኒ፡ ሊተ፨
- ለወሬዛ፡ አሚን፡ ህርያቆ፡ ዘበአፈ፡ ኩሉ፡ ተአኵተ፨
- ዕስየኒ፡ ዕሤተ፡ ነፍስ፡ ወጸግወኒ፡ ክሡተ፨
- ጸጋዌ፡ ጸጋ፡ እግዚአብሔር፡ ወባዕል፡ አንተ፨
- ስብሐት፡ ይደሉ፡ ወሰጊድ፡ ለእግዚአብሔር፡ ቃል፨
- ወስብሐት፡ ዳግመ፡ ለወላዲቱ፡ ድንግል፨
- ማዕከለ፡ ጉቡአን፡ አበው፡ ወውስተ፡ ዛቲ፡ መርጡል፨
- ስእመ፡ ዮም፡ ፈጸምኩ፡ ውዳሴሁ፡ እንዘ፡ ብሂለ፡ ቃል፡ እብል፨
- ለህርያቆስ፡ ክርስቶሳዊ፡ አቡየ፡ ፋድል፨

ተረፈ፡ መልክእ፡
- ሰላም፡ ለከ፡ ወላዴ፡ አእላፍ፡ ህርያቆስ፡ ካልአ፡ እንጦንዮስ፡ አብ፨
- ወሐዋርያ፡ ፍንው፡ መምህረ፡ ጥበብ፨
- ለሕዝብ፡ ወአሕዛብ፨
- ሰላም፡ ለከ፡ ወሬዛ፡ ሃይማኖት፡ ህርያቆስ፡ ወአንበሳ፡ ገዳም፡ መፍርህ፨
- እምነ፡ ኅዝአትከ፡ ዝኅር፡ ወመካነ፡ ላህ፨
- ተንሥእ፡ ወኢትጽናሕ፨
- ሰላም፡ ለለንብለከ፡ አቡነ፡ አእላፈ፡ ዛቲ፡ አለም፨
- ህርያቆስ፡ አብ፡ ብእሴ፡ ሰላም፨
- ወቀሊለ፡ አክናፍ፡ ጽዕድው፡ ንስረ፡ አርያም፨
- በጸጋከ፡ ሐውጸነ፡ ዮም፨

መልክአ፡ እጨ፡ ህርያቆስ፡ Malkəʾa ʾƎč̣č̣a Həryāqos

Image of ʾƎč̣č̣a Həryāqos

Subject