መልክአ፡ እስጢፋኖስ፡ Malkəʾa ʾƎsṭifānos

Image of Stephen

    • በስመ፡ ሥሉስ፡ ቅዱስ፡ እግዚአብሔር፡ አሐዱ፨
    • ናሁ፡ ወጠንኩ፡ ሰላመ፡ መልክእከ፡ ዘበበ፡ ፍቅዱ፨
    • ለፈጽሞቱ፡ ርድአኒ፡ እስጢፋኖስ፡ ጽጌ፡ ናርዱ፨
    • ከመ፡ ይረድኦ፡ አብ፡ ለወልዱ፨
    • ወመምህርኒ፡ ለፅሙድ፡ ተልሚዱ፨
    • ሰላም፡ ለዝክረ፡ ስምከ፡ እንተ፡ ጸሐፎ፡ በአክናፉ፨
    • እግዚአ፡ መናፍስት፡ ሕያው፡ ዘኢይመውት፡ ለዝሉፉ፨
    • ስሙዐ፡ ዜና፡ እስጢፋኖስ፡ ለአጽናፈ፡ ሰማይ፡ እስከ፡ ጽነፉ፨
    • ምስለ፡ ማኅበረ፡ በኵር፡ አኃዊከ፡ እለ፡ በሃይማኖት፡ አዕረፉ፨
    • ስመ፡ ዚአየ፡ አዘክር፡ መላእክት፡ ይጽሐፉ፨
    • ሰላም፡ ለፍልሰተ፡ ሥጋከ፡ እንተ፡ ተረክበ፡ እምተከብቶ፨
    • አመ፡ ዐሡሩ፡ ወሐሙሱ፡ ለወርኀ፡ መስከረም፡ ቲቶ፨
    • ተወኪፈከ፡ እስጢፋኖስ፡ መሥዋዕተ፡ ሰላምየ፡ በኢያስትቶ፨
    • ምስሌየ፡ ግበር፡ እግዚኦ፡ ለሠናይትከ፡ ትእምርቶ፨
    • ናሁ፡ ለውዳሴከ፡ ርኢኩ፡ ማኅለቅቶ፨
    • በከመ፡ ጸሐፈ፡ ጳውሎስ፡ እንዘ፡ ሠናየ፡ ትእምርተ፨
    • ናሁ፡ ዘራእኩ፡ ዘውዳሴከ፡ ኅጠተ፨
    • እርር፡ ሊተ፡ እስጢፋኖስ፡ ፍሬ፡ ከናፍርየ፡ ዘንተ፨
    • ዘዘርአ፡ ሰብእ፡ በሥጋሁ፡ የአርር፡ ሞተ፨
    • ወዘዘርአ፡ በመንፈሱ፡ የአርር፡ ሕይወተ፨