Subjects
Righteous
ኤዎስጣቴዎስ፡
ʾEwosṭātewos
ʾEwosṭātewos
ʾEwosṭātewos
ʾEwosṭātewos
Malkəʾ
-
- ቀዳሚሁሰ፡ ለዘየአምን፡ በረድኤትከ፡ ዘኀይል፨
- ወበጸሎትከ፡ አባ፡ እንተ፡ ታሠልጥ፡ ወትክል፨
- ይቀውም፡ ገሃደ፡ በመካነ፡ ትምህርት፡ ልዑል፨
- እንተ፡ የዐትብ፡ ገጸ፡ በትእምርተ፡ ቅዱስ፡ መስቀል፨
- ወእምዝ፡ ያወሥእ፡ ወይብል፨
-
- ሰላም፡ ለፅንሰትከ፡ በብስራተ፡ ዐቢይ፡ መልአክ፨
- ዘይቀውም፡ ዘልፈ፡ በቅድመ፡ አምላክ፨
- ኤዎስጣቴዎስ፡ ኅጠት፡ ወዘርእ፡ ቡሩክ፨
- ብፅዓን፡ ለገራህትከ፡ እንተ፡ ኢነፍሖ፡ ደደክ፨
- ወኢጠበቅዋ፡ ሙግሕያ፡ ወሦክ፨
-
- ሰላም፡ ለልደትከ፡ እንተ፡ ኮኖሙ፡ ፍሥሓ፨
- ለሥነ፡ ሕይወት፡ ወለአዝማዲሃ፨
- ኤዎስጣቴዎስ፡ ሕፃን፡ ዘአርሳዕከ፡ ላሐ፨
- አበውኡ፡ ለከ፡ ፍቁርየ፡ እምፍሬ፡ ከናፍር፡ አምኃ፨
- ወዘማሕሌት፡ እሁበከ፡ ገርሃ፨
-
- ሰላም፡ ለዝክረ፡ ስምከ፡ ከመ፡ ዝክረ፡ ማሕሌት፡ ሠናይ፨
- እንተ፡ ጊዜ፡ ሀሎ፡ ስታይ፨
- ኰናኔ፡ መኳንንት፡ አርባዕ፡ ኤዎስጣትዎስ፡ ፀሓይ፨
- በሥነ፡ ዕበይከ፡ ይትፌሣሕ፡ ሰማይ፨
- ወበስብሐቲከ፡ ትትኀሠይ፡ ቀላይ፨
-
- ሰላም፡ ለሥዕርተ፡ ርእስከ፡ ዘሕበሪሁ፡ ጸሊም፨
- ወድላሌሁ፡ አዳም፨
- ኤዎስጣቴዎስ፡ ወሬዛ፡ ንኡሰ፡ መዋዕል፡ ወዓም፨
- ከመ፡ ትባርከኒ፡ በበረከተ፡ አብ፡ ወእም፨
- አስተኀይስ፡ ነገራተ፡ በልብከ፡ ዮም፨
-
- ሰላም፡ ለግንዘተ፡ ሥጋከ፡ ለሊቀ፡ ጳጳሳት፡ በእዱ፨
- ለእግዚአብሔር፡ በፈቃዱ፨
- ለሰብአ፡ አርማንያ፡ ይቤሉ፡ ኵሎሙ፡ ለለ፡ አሐዱ፨
- ምንትኑአ፡ ለማዕቀበ፡ እግዚእ፡ ዘብዱ፨
- ዘክህለት፡ ባሕረ፡ ከመ፡ ታዕዱ፨
-
- ሰላም፡ ለመቃብሪከ፡ ዘግሩም፡ ዕበያ፨
- በቤተ፡ መርምህናም፡ ዘአርማንያ፨
- ኤዎስጣቴዎስ፡ ነቢይ፡ ወሐዋርያ፨
- ትበከየከ፡ ኢትዮጵያ፡ ለዘመጠነ፡ ዝ፡ ባሕርያ፨
- ከመ፡ በከያ፡ ያዕቆብ፡ ለልያ፨
-
- እግዚአብሔር፡ እግዚእ፡ እንዘ፡ ይሁበኒ፡ ቃለ፨
- ስብሐታቲከ፡ ነበብኩ፡ አምጣነ፡ ብየ፡ ክሂለ፨
- ኤዎስጣቴዎስ፡ ባርኮ፡ ወወስኮ፡ ኀይለ፨
- ዘይስዕር፡ መንፈሰ፡ ደዌ፡ ወዘያጥኢ፡ አባለ፨
- ወአጋንንተ፡ ዘይሬሲ፡ ጸበለ፨