Details
Other Titles
-
መልክአ፡ በአታ፡
Malkəʾa Baʾatā
Image of Her Entrance
-
- ሰላም፡ ሰላም፡ ለዝክረ፡ ስምኪ፡ ባቍዕ፨
- ወለሥዕርትኪ፡ ጸሊም፡ ከመ፡ ሕብረ፡ ቋዕ፨
- ውስተ፡ ቤተ፡ መቅደስ፡ ዘቦእኪ፡ ማርያም፡ መባዕ፨
- አግዕዝኒ፡ በትንባሌኪ፡ አመ፡ ዕለተ፡ መንሱት፡ ወጽብእ፨
- እምቅንየተ፡ ሰይጣን፡ ዱሩክ፡ ለብእሲ፡ ኃጥእ፨
-
- ሰላም፡ ለርእስኪ፡ ዘተከለለ፡ ከዋክብተ፨
- ወለገጽኪ፡ ዘአንኀ፡ እምገጸ፡ ሙሴ፡ ስብሐተ፨
- ማርያም፡ ዞኮንኪ፡ ውስተ፡ ቤተ፡ መቅደስ፡ ህሉተ፨
- ሐውፅኒ፡ በረድኤትኪ፡ ወጸግውኑ፡ ሕይወተ፨
- ኵሎ፡ ዘመነ፡ ወኵሎ፡ ዕለተ፨
-
- ሰላም፡ ለፍልሰተ፡ ሥጋኪ፡ ውስተ፡ ብሔር፡ ሥዑር፨
- ወለንብረትኪ፡ ሰላም፡ በየማነ፡ ክርስቶስ፡ በኵር፨
- ማርያም፡ ዘቦእኪ፡ ውስተ፡ ቤተ፡ መቅደስ፡ በክብር፨
- ሴስይኒ፡ ከመ፡ ሕፃን፡ ሀሊበ፡ ጥበብ፡ ወምክር፨
- እስመ፡ ወልደ፡ ወልድኪ፡ አነ፡ በጸጋ፡ ወፍቅር፨
-
- አምጣነ፡ አቅረብኩ፡ አነ፡ ብሩረ፡ ስብሐት፡ ወውዳሴ፨
- ወለበአትኪ፡ ዘኮነ፡ ውስተ፡ ቤተ፡ መቅደስ፡ በሕገ፡ ሙሴ፨
- ማርያም፡ ወለቱ፡ እስመ፡ አንቲ፡ ለወልደ፡ እሴ፨
- ጸሐፍኒ፡ ውስተ፡ መጽሐፍኪ፡ ዘኢይቀርቦ፡ ድምሳሴ፨
- ወአማፅሕንኒ፡ ካዕበ፡ በቅድስት፡ ሥላሴ፨
-
- ስብሐት፡ ለኪ፡ ማርያም፡ በኍልቈ፡ ኵሉ፡ ሥዕርትየ፨
- ስብሐት፡ ለኪ፡ ማርያም፡ በኍልቈ፡ ኵሉ፡ አዕጽምትየ፨
- ስብሐት፡ ለኪ፡ ማርያም፡ በኍልቈ፡ ኵሉ፡ ዘተርእየ፨
- ስብሐት፡ ለኪ፡ ማርያም፡ በኍልቈ፡ ኵሉ፡ ዘኢያስተርአየ፨
- ስብሐተ፡ ድንግልናኪ፡ ዘልፈ፡ ይነግር፡ አፉየ፨