Subjects
Angelic
ሩፋኤል፡
Rufāʾel
Raphael
Raphael
Malkəʾ
-
- ሰላም፡ ለተፈጥሮትከ፡ በሌሊት፡ ዘእኁድ፨
- ዘተሥዕለ፡ ቅድመ፡ እምነፋስ፡ ወነድ፨
- ሩፋኤል፡ ሊቆሙ፡ ለጾታ፡ ፫ነገድ፨
- ዓዲ፡ ተሰየምከ፡ በማሕፀነ፡ ኵሉ፡ ትውልድ፨
- በከመ፡ ይቤ፡ ዮሐንስ፡ ወልደ፡ ነጐድጓድ፨
-
- ሰላም፡ ለዝክረ፡ ስምከ፡ ምስለ፡ ስመ፡ ልዑል፡ ቡሩክ፨
- በከመ፡ ጸሐፈ፡ ቅድመ፡ ወልደ፡ ያሬድ፡ ሄኖክ፨
- ሩፋኤል፡ ዘንተ፡ ዘነፍሰ፡ ኵሉ፡ ምስማክ፨
- ለሐውጾትነ፡ ነዓ፡ ለለ፡ ጊዜ፡ ጽባሕ፡ ወሰርክ፨
- ምስለ፡ ሚካኤል፡ ወገብርኤል፡ ወራጉኤል፡ መልአክ፨
-
- ሰላም፡ ለሥዕርተ፡ ርእስከ፡ ወለርእስከ፡ ድሉል፨
- ለፍጽምከ፡ ሰላም፡ ወለገጽከ፡ ጽዱል፨
- እንዘ፡ ሣህላዊ፡ መልአክ፡ ቅዱስ፡ ሩፋኤል፨
- ለሐውጾትነ፡ ነዓ፡ በአክናፈ፡ ነፋስ፡ ቀሊል፨
- ምስለ፡ አፍኒን፡ ወሱርያል፤ ለምሕረት፡ ወሣህል፨
-
- ሰላም፡ ለአጻብዒከ፡ ወለአጽፋረ፡ እግርከ፡ በለዝ፨
- ለቆምከ፡ ሰላም፡ ወለመልክእከ፡ ምዑዝ፨
- ሩፋኤል፡ ሀበኒ፡ እስመ፡ ለድኩም፡ ምርጉዝ፨
- ለቴዎድሮስ፡ ምሥራቃዊ፡ ከመ፡ ይማኦ፡ ለቍዝ፨
- ሰይፈ፡ መዊእ፡ መጠዎ፡ ሚካኤል፡ ዐዚዝ፨
-
- አምኃ፡ ሰላም፡ ንስቲተ፡ ለመልክእከ፡ አቅረብኩ፨
- ወስመ፡ ዚአከ፡ ጸዋዕኩ፨
- ቅዱስ፡ ሩፋኤል፡ ለእግዚአብሔር፡ ላእኩ፨
- ዘመነ፡ ምንሳዌ፡ ኢያንጥየኒ፡ ፈራህኩ፨
- በረድኤትከ፡ ተማሕፀንኩ፡ ኀቤከ፡ አስመኩ፨