መልክአ፡ ጊዮርጊስ፡ ዘፅንሰቱ፡ Malkəʾa Giyorgis za-Ḍənsatu

Image of George — “His Conception”

    • ሰላም፡ ለፅንሰትከ፡ ወለልደትከ፡ ቡሩክ፨
    • በበዓለ፡ ቅድስት፡ ድንግል፡ ወመስቀለ፡ ክርስቶስ፡ አምላክ፨
    • ገባሬ፡ መንክራት፡ ጊዮርጊስ፡ በዐውደ፡ ዱድያኖስ፡ ድሩክ፨
    • አፅራርየ፡ እለ፡ ተንሥኡ፡ በነገረ፡ ከንቱ፡ ወበክ፨
    • ሐመደ፡ ለይኩኑ፡ በጽባሕ፡ ወሰርክ፨
    • ሰላም፡ ለዝክረ፡ ስምከ፡ ወለሥዕርተ፡ ርእስከ፡ ድሉል፨
    • ለርእስከ፡ ሰላም፡ ወለገጽከ፡ ጽዱል፨
    • ገባሬ፡ መንክራት፡ ጊዮርጊስ፡ ለባሴ፡ ሥልጣን፡ ወኀይል፨
    • ይሠየም፡ ዲበ፡ ርእስየ፡ አኅኖትከ፡ መስቀል፨
    • ወይጸሐፍ፡ በልሳንየ፡ ገድልከ፡ ወንጌል፨
    • ሰላም፡ ለግንዘተ፡ ሥጋከ፡ ወለርደትከ፡ ዝኅራ፨
    • ለፍልሰተ፡ ሥጋከ፡ ሰላም፡ ለፍልሰተ፡ ድንግል፡ ዘይትጋወራ፨
    • ጊዮርጊስ፡ ሰማዕት፡ ሊቀ፡ አእላፍ፡ ሐራ፨
    • ምሥጠኒ፡ በረድኤትከ፡ ውስተ፡ ብርሃናዊት፡ ደብተራ፨
    • ዘመብረቅ፡ ጠፈራ፡ ወበረድ፡ ኅብራ፨
    • አኮ፡ አኮ፡ በአብዝኆ፡ ድርሳን፡ ወመጽሐፍ፨
    • አላ፡ ንስቲተ፡ ወደስኩከ፡ በአፍ፨
    • ፈዋሴ፡ ድውያን፡ ጊዮርጊስ፡ እንተ፡ ከራድዮን፡ ዖፍ፨
    • ስምዐኒ፡ ጸሎትየ፡ ወስእለትየ፡ ዘዘልፍ፨
    • እስመ፡ ኀቤከ፡ ይትፈነዉ፡ ስእለትየ፡ አእላፍ፨