Subject
Righteous
ኢያሱ፡
ʾIyyāsu
ʾIyyāsu II
ʾIyyāsu II
Malkəʾ
-
- ናሁ፡ ተጽሕፈ፡ በስመ፡ ሥላሴ፡ ዋሕድ፨
- ለንጉሠ፡ ነገሥት፡ ኢያሱ፡ ውዳሴ፡ መልክኡ፡ በፍቅድ፨
- ለዘአጽሐፎ፡ ባሕቱ፡ ወለዘጸሐፎ፡ በእድ፨
- ለዘእንበቦ፡ ወተርጐሞ፡ ወለዘአጽምአ፡ ነገድ፨
- በረከተ፡ ሰማይ፡ ይጸጉ፡ አምላክነ፡ ወልድ፨
-
- ሰላም፡ ለፅንሰትከ፡ ወለልደትከ፡ ቅዱስ፨
- እምዘወለደተከ፡ ንግሥት፡ በዘአእመራ፡ ንጉሥ፨
- መናኔ፡ መንግሥት፡ ኢያሱ፡ ወሰማዕተ፡ ሥቃይ፡ ሐዲስ፨
- ከመ፡ እንብብ፡ ትሩፋቲከ፡ በውስተ፡ ቀላይ፡ ወየብስ፨
- አስተናብበኒ፡ ለገብርከ፡ በዐዚዝ፡ መንፈስ፨
-
- ሰላ፡ ለዝክረ፡ ስምከ፡ ግጽወ፡ ፊደላት፡ ሠለስቱ፨
- ወለሥዕርትከ፡ ሰላም፡ ዘተወደሰ፡ ሲበቱ፨
- ንጉሠ፡ ምናኔ፡ ኢያሱ፡ ወሰማዕት፡ በላዕለ፡ ዝንቱ፨
- ትብለከ፡ ደብረ፡ ብርሃን፡ ለመርዓዌ፡ ሰማይ፡ መርዓቱ፨
- ወልድ፡ እኁየ፡ ወሪዶ፡ ውስተ፡ ገነቱ፡ አፈዋተ፡ ምዕዘ፡ ልብሰቱ፨
-
- ሰላም፡ ለመቃብሪከ፡ ኀበ፡ አቡከ፡ ሰከበ፨
- ድኅረ፡ አሠነየ፡ ምግበ፨
- ኢያሱ፡ እምዝንቱ፡ ከመ፡ ቃለ፡ መጽሐፍ፡ ነበበ፨
- ትንሣኤ፡ ሕይወት፡ ለከ፡ ደኃሪ፡ እንዘ፡ ትኄይስ፡ ኮከበ፨
- እስመ፡ ባሕታዌ፡ ገድል፡ አንተ፡ ወሰማዕት፡ ካዕበ፨
-
- ደብረ፡ ሊባኖስ፡ ንግሥት፡ ጸዋሪተ፡ አክሊል፡ በርእሳ፨
- ኀበ፡ በዓለከ፡ ገብረት፡ ምስለ፡ መሢሐዊ፡ ንጉሳ፨
- አቅረብኩ፡ ለከ፡ ኢያሱ፡ አምኃ፡ ማሕሌት፡ ቅድመ፡ ከኒሳ፨
- ዕሥየነ፡ ርስተ፡ ባሕቱ፡ ዘአርሳንዮስ፡ ወረሳ፨
- ወእምቅደሜሁ፡ ዳንኤል፡ ዘሱሳ፨