Details
-
- ሰላም፡ ለፅንሰትከ፡ ወለልደትከ፡ ሰላም፨
- ለስምከኒ፡ ሠናየ፡ ዝክር፡ እምስም፨
- ወልደ፡ ዘብዴዎስ፡ ያዕቆብ፡ ወወልደ፡ ነጐድጓድ፡ ግሩም፨
- ይደቅ፡ በድምፅከ፡ ውስተ፡ ሥጋየ፡ ምቀዋም፨
- ዘቆመ፡ ያውድቀኒ፡ ላእከ፡ ሞት፡ ሕማም፨
-
- ሰላም፡ ለሥዕርትከ፡ ሠርጐ፡ ርእስከ፡ ዕሩቅ፨
- ወለገጽከ፡ ሥዑል፡ በአርአያ፡ ክርስቶስ፡ ሊቅ፨
- ወልደ፡ ዘብዴዎስ፡ ያዕቆብ፡ ወወልደ፡ ነጐድጓድ፡ ግሩም፨
- ይደቅ፡ በድምፅከ፡ ውስተ፡ ሥጋየ፡ ምቅዋም፨
- ዘቆመ፡ ያውድቀኒ፡ ላእከ፡ ሞት፡ ሕማም፨
-
- ሰላም፡ ለዕለተ፡ ሞትከ፡ ዕለተ፡ ትፍሥሕት፡ ከብካብ፨
- ወለትንሣኤከ፡ ትቁም፡ የማነ፡ የማኑ፡ ለአብ፨
- እምያዕቆብ፡ ያዕቆብ፡ ለዘሠረቀ፡ ኮከብ፨
- ተመራሕከ፡ በብርሃነ፡ ፍና፡ ልደቱ፡ እምአብ፨
- ወመንበረ፡ ስብሐት፡ ኮነ፡ ልብከ፡ ኪሩብ፨
-
- እማሕፀነ፡ ልብ፡ ወአፍ፡ ማሕሌተከ፡ ሕፃነ፨
- በጾታ፡ ሕማም፡ ብዙኅ፡ እስመ፡ ወለድከ፡ አነ፨
- ረስየኒ፡ ወልደ፡ ያዕቆብ፡ እንተ፡ ወለድከ፡ ጻድቃነ፨
- ፅንስት፡ ምድር፡ አመ፡ ትወልድ፡ ሙታነ፨
- ከመ፡ ወለደቶ፡ ቅድመ፡ ለአዳም፡ አቡነ፨
-
- እለ፡ አኀዙ፡ ይውጥኑ፡ ፈጺሞሙ፡ ግብረ፨
- እምግብረ፡ ጻማ፡ ብዙኅ፡ የዐርፉ፡ ድኅረ፨
- ያዕቆብ፡ አንሰ፡ ዘዚአከ፡ ክብረ፨
- ከመ፡ እንግር፡ ዘወጠንኩ፡ ሶበ፡ ስእንኩ፡ ነጊረ፨
- መንገለ፡ ዕረፍት፡ ሐኬት፡ ኅሊናየ፡ ሖረ፨