Details
-
- ሰላም፡ ለፅንሰትከ፡ እንበለ፡ ያእምሩ፡ አዝማዲከ፨
- ወለልደትከ፡ ትሑር፡ መንገለ፡ ሖረ፡ ዕፃከ፨
- በርተሎሜዎስ፡ አምላክ፡ ከመ፡ ወልደ፡ አምላክ፨
- መኑ፡ እምለበወ፡ ወእንዘ፡ ያነውኅ፡ ሰቢከ፨
- እመ፡ ውስተ፡ ኵሉ፡ ኢጸርሐ፡ ዐዋዲ፡ ቃልከ፨
-
- ሰላም፡ ለዝክረ፡ ስምከ፡ ዘበአፈ፡ ኵሉ፡ ዝኩር፨
- ወለሥዕርትከ፡ ሰላም፡ ምስለ፡ ርእስከ፡ ክቡር፨
- በደብረ፡ ሃይማኖት፡ ጥሉል፡ በርተሎሜዎስ፡ ሀገር፨
- እንተ፡ ተሐነጽከ፡ በእደ፡ ፈጣሪ፡ ፍጡር፨
- ተከብቶ፡ ኢትክል፡ በሰማይ፡ ወምድር፨
-
- ሰላም፡ ለመቃብሪከ፡ ውስተ፡ መካን፡ ሠናይ፨
- ወለትንሣኤከ፡ በክብር፡ አመ፡ ዕለተ፡ ምሥቲር፡ ዐባይ፨
- በርተሎሜዎስ፡ ዕረፍት፡ ወቤተ፡ መርዓዊ፡ ርሱይ፨
- ንትሜነይ፡ ናጽልል፡ በኀቤከ፡ እምጻማ፡ ሐሩር፡ ሥቃይ፨
- አመ፡ እምተዐጽዎ፡ ጽኑዕ፡ ይትረኀው፡ ሰማይ፨
-
- ሰላም፡ ለዕለተ፡ ሞትከ፡ ድኅረ፡ አንሣእከ፡ ሙታነ፨
- እሞተ፡ ሥጋ፡ ወነፍስ፡ በዘአጥረይከ፡ ሥልጣነ፨
- በርተሎሜዎስ፡ ፀጋመ፡ እንተ፡ ትሬሲ፡ የማነ፨
- ዕቀበነ፡ በኀይልከ፡ ከመ፡ ኢንትሉ፡ ሰይጣነ፨
- አርአያ፡ በድካም፡ ተለወ፡ በይነ፡ ዕፅ፡ አቡነ፨
-
- ስብሐተ፡ ክቡር፡ ስምከ፡ በጾታ፡ ብዙኅ፡ ሐልዮ፨
- እስመ፡ ነገርኩ፡ ለኵሉ፡ ብእሲ፡ ድካም፡ ወተጋንዮ፨
- በርተሎሜዎስ፡ ንግረኒ፡ ተስፋ፡ ቅቡፃን፡ ተባርዮ፨
- ከመ፡ ሀለወኒ፡ እንዘ፡ ተኀድግ፡ ጌግዮ፨
- ለሥጋየ፡ ዘአውተረ፡ ኀቤከ፡ ጸልዮ፨
- ተረፈ፡ መልክእ፡
-
- ሰላም፡ ለከ፡ በርተሎሜዎስ፡ ጠል፡ ልምላሜ፡ ገነት፡ ዘየብሰ፨
- ለዐውደ፡ ዓመት፡ እፍረይ፡ አርውየኒ፡ ፈውሰ፨
- ውዳሴከ፡ ዘተወደሰ፨
-
- ሰላም፡ ለከ፡ በርተሎሜዎስ፡ ሥርግው፡ ሜላተ፡ ሐዲስ፡ ምልክና፨
- ብልየተ፡ ሰብእናየ፡ ሐድስ፡ በጥዒና፨
- እስመ፡ ቀርበ፡ ለሙስና፨
-
- ሰላም፡ ለከ፡ ወንጌለ፡ መንግሥት፡ ኅወተ፡ በርተሎሜዎስ፡ ዘራኢ፨
- ውስተ፡ ገራህትከ፡ እዝነ፡ ሰማዒ፨
- አመ፡ ማዕረርከ፡ በላ፡ ለነፍስየ፡ ንዒ፨
- እክለ፡ ጸጋ፡ በጸጋ፡ ትንሥኢ፨