Subjects
Apostle
ማትያስ፡
Mātyās
Matthias
Matthias
Malkəʾ
-
- ሰላም፡ ለፅንሰትከ፡ ወለልደትከ፡ ቅዱስ፨
- ወለዝክረ፡ ስምከ፡ ጥዑም፡ እምነ፡ ጣዕመ፡ ወይን፡ ወሜስ፨
- ዳዊት፡ ማትያስ፡ መንግሥተ፡ እስራኤል፡ ሐዲስ፨
- ወክደ፡ ቂስ፡ መንግሥተ፡ ሶበ፡ ኀደገ፡ ሶበ፡ ኀደጎ፡ መንፈስ፨
- ኀደገ፡ ለከ፡ ይሁዳ፡ ንጉሥ፨
-
- ሰላም፡ ለርእስከ፡ ብዙኀ፡ ሥዕርት፡ እምኆፃ፨
- ወለገጽከህልው፡ ለገጸ፡ ሥላሴ፡ በቅድመ፡ ገጻ፨
- ለመንግሥተ፡ ሰማይ፡ ማትያስ፡ እንተ፡ አርኀውኩ፡ አንቀጻ፨
- አመ፡ ላዕሌከ፡ ወድቀ፡ መበይነ፡ ነገር፡ ዕፃ፨
- ተፈጽመ፡ አፍ፡ ኢይንብብ፡ ዐመፃ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ሰላም፨
- በውስተ፡ ምድሩ፡ ለሴም፨
- ማትያስ፡ አጥረይከ፡ ወርቀ፡ ጥዒና፡ ፍጹም፨
- ይሁዳሰ፡ ተሣየጠ፡ ንዋየ፡ ነፍሳዊ፡ ሕማም፨
- በሤጠ፡ ወርቅ፡ ዘአልባሲሁ፡ ሐፀበ፡ በደም፨
-
- ሰላም፡ ለዕለተ፡ ሞትከ፡ እምዕለተ፡ ልደት፡ ዘኅየስ፨
- በከመ፡ ይቤ፡ ሰሎሞን፡ ዘረኪበ፡ ጥበብ፡ ኀሠሠ፨
- ማትያስ፡ ዐረይከ፡ ምስለ፡ ንጉሠ፡ ጽድቅ፡ ነጊሠ፨
- ይሁዳሰ፡ ተሣየጠ፡ ንዋየ፡ አቡሁ፡ ተዕናሰ፨
- በሤጠ፡ አምላኩ፡ ዘበነፍሱ፡ ተሣየጠ፡ ነፍሰ፨
-
- ሰላም፡ ለትንሣኤከ፡ ምስብዒተ፡ እምፀሓይ፨
- እንዘ፡ ታበርህ፡ ፈድፋደ፡ በዕለተ፡ ኀይል፡ ዐባይ፨
- ነጋዲ፡ ማትያስ፡ ዘምሥያጥከ፡ ሥቃይ፨
- በባሕረ፡ ዓለም፡ ለዘተረክበ፡ ባሕርይ፨
- ተሣየጥኮ፡ በገድልከ፡ ነባቢ፡ ንዋይ፨
-
- እንበለ፡ አርምሞ፡ አርመምኩ፡ እምነቢበ፡ ስብሐት፡ ዘለከ፨
- ሶበ፡ ስእንኩ፡ ነጊአር፡ ዘኢይትነገር፡ ጸጋከ፨
- የአክለኒ፡ ባሕቱ፡ ጸውዖተ፡ ክቡር፡ ስምከ፨
- አንተኒ፡ ማትያስ፡ ጸውዐኒ፡ ውስተ፡ ጥዒና፡ ነፍስ፡ ቤትከ፨
- እስመ፡ ሕማም፡ የሐምም፡ በቀሪብ፡ ኀቤከ፨