መልክአ፡ ሥቃዩ፡ ለጊዮርጊስ፡
Malkəʾa Śəqāyu la-Giyorgis
Image of the Torture of George
-
- ሰላም፡ ለጥንተ፡ ገድልከ፡ ሠናየ፡ መዊእ፡ ወፍጻሜ፨
- ጊዮርጊስ፡ ስመ፡ አበሜ፨
- እንበለ፡ ይኅልፍ፡ ይትቈለቈል፡ ፀሓየ፡ ዕድሜ፨
- ከመ፡ እኩን፡ እምሐይቅ፡ ሠርፀ፡ ጽጌ፡ ረዳ፡ ቀሳሜ፨
- በመርስየ፡ ሐዘን፡ ዘጽድቅ፡ ኩነኒ፡ ሠያሜ፨
-
- ሰላም፡ ለተዐርቆትከ፡ እምልብሰ፡ ሞገስ፡ ወሥርጋዌ፨
- ሶበ፡ ሰማዕከ፡ ትዕይርተ፡ እምአፈ፡ ዱድያኖስ፡ አርዌ፨
- ጊዮርጊስ፡ ዕጉሥ፡ ሥቃየ፡ ትፅዕሮ፡ ወደዌ፨
- ረድኤት፡ ወዘአድኅኖ፡ እንዘ፡ ትጸይሕ፡ ፍናዌ፡
- መካነ፡ ፍሥሓ፡ ስደኒ፡ እሳተፍ፡ ህላዌ፨
-
- ሰላም፡ ለኅርወተ፡ ዓጽምከ፡ ለመልዕልተ፡ ይድራስ፡ ደብር፨
- ከመ፡ ሐሠረ፡ ዐምድ፡ ዘአመ፡ ማእረር፨
- ጊዮርጊስ፡ ረዳኢ፡ መዓድመ፡ ዝክር፨
- ኣስተሐምም፡ ጻህቀ፡ ልብየ፡ ከመ፡ ትፈጽም፡ በምዕር፨
- እስመ፡ በአስልጦ፡ ትካዝ፡ ይትአመር፡ ፍቁር፨
-
- ሰላም፡ ለፍጻሜ፡ ስምዕከ፡ በሰይፈ፡ ሐራዊ፡ ቈላፍ፨
- ከመ፡ ተሀሉ፡ አንተ፡ ኀበ፡ ዘለዓለም፡ ምዕራፍ፨
- ጊዮርጊስ፡ ኅሩይ፡ ዘገነተ፡ ጽባሕ፡ ዖፍ፨
- ኅብአኒ፡ እግዚኦ፡ ወሰውረኒ፡ በክንፍ፨
- እስመ፡ አፈቅረከ፡ እማዕምቅ፡ ወአኮ፡ በአፍ፨
-
- ሰላም፡ ለከ፡ ጊዮርጊስ፡ ይቤ፡ ኢዮብ፡ በእንቲአከ፡ እግዚአብሔር፡ ስምየ፨
- ትዕግሥተ፡ ጊዮርጊስ፡ የዐቢ፡ እምትዕግሥትየ፨
- በሶረ፡ ብርት፡ እስመ፡ ተወድየ፨
-
- ሰላም፡ ለከ፡ ጊዮርጊስ፡ ተብለከ፡ በቃለ፡ ሐዘን፡ ነፍስየ፨
- ጊዮርጊስ፡ ኢትረስየኒ፡ ለሐቀ፡ ለጸላእትየ፨
- ወስላቀ፡ ለአዝማድየ፨
-
- ሰላም፡ ለከ፡ ጊዮርጊስ፡ እምነ፡ ብሩር፡ ወወርቅ፡ ፍቅረ፡ ዚአከ፡ እፈቱ፨
- እስመ፡ ለሕዙን፡ ጊዮርጊስ፡ ኮነ፡ ትፍሥሕቱ፨
- ወርቅሰ፡ ኀላፊ፡ ውእቱ፨
- ወብሩር፡ ማሳኒ፡ በክንቱ፨