መልክአ፡ ሥላሴ፡ Malkəʾa Śəllāse

Image of the Trinity

    • ሰላም፡ ለዝክረ፡ ስምክሙ፡ እምቅድመ፡ ዓለም፡ ህልው፨
    • ለርእስክሙ፡ ሰላም፡ ወለሥዕርተ፡ ርእስክሙ፡ ጽዕድው፨
    • አብ፡ ወወልድ፡ ወመንፈስ፡ ቅዱስ፡ ሥላሴክሙ፡ ግጽው፨
    • ከመ፡ ኢያንጌጊ፡ ውስተ፡ መካነ፡ ሐፅ፡ ወበድው፨
    • ብሔረ፡ ፍሥሓ፡ ስዱኒ፡ ለብእሲ፡ ልህው፨
    • ሰላም፡ ለፍጽምክሙ፡ ወለገጻቲክሙ፡ ሠላስ፨
    • ለቀራንብቲክሙ፡ ሰላም፡ ወለአዕይንቲክሙ፡ ሥነ፡ ኦርያሬስ፨
    • አብ፡ ወወልድ፡ ወመንፈስ፡ ቅዱስ፨
    • ሐመረ፡ ሥጋየ፡ ከመ፡ ኢይሑክ፡ ነፋስ፨
    • መዋግዲሁ፡ አዝኅኑ፡ በመርስ፨
    • ሰላም፡ ለአእዛኒክሙ፡ ወለመላትሒክሙ፡ ሐዋዝ፨
    • ለአእናፊክሙ፡ ሰላም፡ ወለከናፍሪክሙ፡ ምዑዝ፨
    • አብ፡ ወወልድ፡ ወመንፈስ፡ ቅዱስ፡ ዕሩያነ፡ ምክር፡ ወትእዛዝ፨
    • ገራህተ፡ ሰላምየ፡ ሠቅየክሙ፡ እምነቅዐ፡ ሥላሴ፡ ውሒዝ፨
    • ከመ፡ ትፍረይ፡ ረስይዋ፡ ወትኑኅ፡ እምአርዝ፨
    • ሰላም፡ እብል፡ ለኵሎን፡ መልክእክሙ፡ በሰጊድ፨
    • እግዚአብሔር፡ አብ፡ ወእግዚአብሔር፡ ወልድ፨
    • ወእግዚአብሔር፡ መንፈስ፡ ቅዱስ፡ ሥላሴ፡ ዋሕድ፨
    • በዕለተ፡ ሐተታ፡ ወቅስት፡ አመ፡ ይከውን፡ ረዓድ፨
    • ቀዊመ፡ ኅሩያን፡ ክፍሉኒ፡ ኢይኩን፡ ለባዕድ፨