Details
Subject
Clavis Aethiopica: 2883
CAe: 2883
MC: 164, 24 | HK: 132
Permalink: https://w3id.org/malke/2883/
Last modified:
MC: 164, 24 | HK: 132
Permalink: https://w3id.org/malke/2883/
Last modified:
-
- ሰላም፡ ለዝክረ፡ ስምከ፡ ዘኢረከቡ፡ ተፍጻሜተ፨
- መላእክተ፡ ሰማይ፡ ወምድር፡ እለ፡ ለመዱ፡ ስብሐተ፨
- መድኃኔ፡ ዓለም፡ ተወከፍ፡ እንተ፡ አቅረብኩንስቲተ፨
- ዘሰተይከ፡ በእንቲአየ፡ በርኬ፡ ወሐሞተ፨
- በሞተ፡ ዚአከ፡ ከመ፡ ትቅትል፡ ሞተ፨
-
- ሰላም፡ ለሥዕርተ፡ ርእስከ፡ በላዕለ፡ መስቀል፡ ዘአጽነ፨
- ወለርእስከ፡ ሰላም፡ ከመ፡ ይቤዙ፡ ኪያነ፨
- መድኃኔ፡ ዓለም፡ ክርስቶስ፡ በጊዝል፡ ኮንከ፡ ሕፃነ፨
- ፈርሀ፡ ወደንገፀ፡ በከየ፡ ወኀዘነ፨
- ከይሲ፡ ዘአስሐታ፡ ለሔዋን፡ እምነ፨
-
- ሰላም፡ ለትንሣኤከ፡ ትንሣኤ፡ ጻድቃን፡ ዘከሠተ፨
- ዐቀብተ፡ መቃብር፡ አእላፍ፡ እንበለ፡ ይስምዑ፡ ግብተ፨
- መድኃኔ፡ ዓለም፡ ክርስቶስ፡ ዘአስስልከ፡ ጽልመተ፨
- ወትቤሎሙ፡ ለአርዳኢከ፡ አርኅዉ፡ ኆኀተ፨
- ርግዘተ፡ ገቦየ፡ ከመ፡ ትርዐዩ፡ ሊተ፨
-
- ሰላም፡ ለትንሣኤከ፡ ከመ፡ ዘንቃሕ፡ እምንዋም፨
- መንክራቲሁ፡ ዘኮነ፡ እንበለ፡ መስፈርት፡ ወዐቅም፨
- መድኃኔ፡ ዓለም፡ ዘቆምከ፡ ለሰቂቀ፡ ብእሲ፡ አዳም፨
- አንግፈኒ፡ በመስቀልከ፡ እምእደ፡ ጸላኢ፡ ርጉም፨
- እስመ፡ እስእለከ፡ አነ፡ ገብርከ፡ ድኩም፨
-
- ሰላም፡ ለዕርገትከ፡ በዘባነ፡ መብረቅ፡ ወነጐድጓድ፨
- ከመ፡ ትገኑ፡ መንፈስከ፡ በአምሳለ፡ እሳት፡ ወነድ፨
- መድኃኔ፡ ዓለም፡ ክርስቶስ፡ ዘእግዚአብሔር፡ ዋሕድ፨
- ይቤሉከ፡ ለለ፡ ዕለቱ፡ ሰማያውያን፡ ነገድ፨
- መንግሥቱ፡ ዘለዓለም፡ ወምኵናኑኒ፡ ለትውልደ፡ ትውልድ፨
-
- ሰላም፡ ለዕርገትከ፡ ዘፈጸመ፡ ቃሎ፨
- ወለምጽአትከ፡ ከዋላ፡ እንተ፡ ያስተጋብእ፡ ኵሎ፨
- እምኀበ፡ አቡከ፡ ክርስቶስ፡ በመንበረ፡ ስብሐት፡ ዘሀሎ፨
- አውረድከ፡ መንፈሰከ፡ በአምሳለ፡ እሳት፡ ወዐውሎ፨
- ሦከ፡ ኀጢአትየ፡ ያውዒ፡ ወይቀድስ፡ ኵሎ፨
-
-
-
-
-
-
- ምንተ፡ ይዜኑ፡ ዜና፡ ሞትከ፡ ዘነጸረ፡ በዐይኑ፨
- ወዘሰምዐ፡ በእዝኑ፨
- መድኃኔ፡ ዓለም፡ ክርስቶስ፡ እንዘ፡ ይነብብ፡ ልሳኑ፨
- ባርኮ፡ ወቀድሶ፡ ለመልከጼዴቅ፡ ካህኑ፨
- ወበላዕሌሁ፡ መንፈሰከ፡ ፈኑ፨