-
- ሰላም፡ ለዝክረ፡ ስምከ፡ ዘኍልቈ፡ ፊደሉ፡ አርባዕቱ፨
- ወጥዑመ፡ ልሳን፡ ዝንቱ፡ መዝገበ፡ ሃይማኖት፨
- ዮስጦስ፡ ወመዝገበ፡ ምግባር፡ ክልኤቱ፨
- አነሂ፡ ውዳሴከ፡ ከመ፡ እፈጽም፡ እፈቱ፨
- ባሕቱ፡ ውዳሴከ፡ ብዙኅ፡ ውእቱ፨
-
- ሰላም፡ ለሥዕርተ፡ ርእስከ፡ ቅብዓ፡ መንፈስ፡ ቅዱስ፡ ቅቡዕ፨
- ወዕፍረተ፡ ጽጋ፡ ምሉዕ፨
- ዮስጦስ፡ ስቴ፡ ዮስጦስ፡ መብልዕ፨
- ዮስጦስ፡ ልብከ፡ ሞገሰ፡ ብዙኃን፡ ሰብእ፨
- ምዑዘ፡ ምግባር፡ ዮስጦስ፡ ምሥዋዕ፨
-
- ሰላም፡ ለክሳድከ፡ አምሳለ፡ ማኅፈዱ፡ ለዳዊት፨
- በከመ፡ ይቤ፡ ሰሎሞን፡ በመሀልዩ፡ ክሡት፨
- ኢናበውሐ፡ ለትምሀር፡ ለኢትዮጵያ፡ ብእሲት፨
- በላዕለ፡ ሮምያ፡ ብእሲ፡ ከመ፡ ኢትመብል፡ ትካት፨
- እስመ፡ በሮምያ፡ ሀለወ፡ ዮስጦስ፡ ማኅቶት፨
-
- ሰላም፡ ለአፃብዒከ፡ እኂዞተ፡ ብርዕ፡ ዘአሠነያ፨
- አመ፡ ጸሐፍከ፡ አንተ፡ መጽሐፈ፡ አምሳል፡ ወአርአያ፨
- ሰባኬ፡ ወንጌል፡ ዘኮንከ፡ ዮስጦስ፡ ሐዋርያ፨
- ሲሳየ፡ አእምሮ፡ ወሀብከ፡ ለሕዝበ፡ ኢትዮጵያ፨
- እስመ፡ አንተ፡ እምቀዳሚ፡ ለዓለም፡ ሲሳያ፨
-
- ሰላም፡ ለአእጋሪከ፡ ዘኢረከቦን፡ ድካም፨
- እንዘ፡ ይመጽአ፡ ቅድመ፡ ለኢትዮጵያ፡ እምሮም፨
- አፈቅረከ፡ ዮስጦስ፡ እንበለ፡ መሥፈርት፡ ወዓቅም፨
- አኮኑ፡ ተጽሕፈ፡ ፍቅረ፡ ዚአከ፡ ቀለም፨
- በሰሌዳ፡ ልብየ፡ ዘልፈ፡ ዘጥቀ፡ አዳም፨
-
- ሰላም፡ ለመልክእከ፡ በአርአያ፡ አዳም፡ ቀዳማዊ፨
- ወበአርአያ፡ ክርስቶስ፡ ደኃራዊ፨
- ኢይትሌለየከ፡ አነ፡ ዮስጦስ፡ ሮማዊ፨
- ወኢይትሌለዩከ፡ ካዕበ፡ ካህናተ፡ ይሁዳ፡ ወሌዊ፨
- ጽዋዓ፡ ጥበብ፡ ዘቤትከ፡ አኮኑ፡ ያረዊ፨
-
- ናሁ፡ አቅረብኩ፡ አምኃ፡ ወውዳሴ፡ ንስቲተ፨
- ውዳሴ፡ ዚአከ፡ እንብብ፡ እንዘ፡ ኢይደልወኒ፡ ምንተ፨
- ዮስጦስ፡ ኢታስትት፡ ፍሬ፡ ከናፍርየ፡ ዘንተ፨
- ፍሬ፡ ከናፍሪሁ፡ ለሰብእ፡ ከመ፡ ይደልዎ፡ ቅጽበተ፨
- አኮኑ፡ ተአምር፡ ወትጤይቅ፡ አንተ፨