Subjects
Righteous
አቢብ፡
ʾAbib
Phib
Phib
Malkəʾ
-
- ሰላም፡ ለዝክረ፡ ስምከ፡ ዘተጸውዐ፡ በእልፍ፨
- ወለሥዕርትከ፡ ኪሩብ፡ ዘይጼልሎ፡ በክንፍ፨
- ኢትፍልጠኒ፡ አቢብ፡ እምከብካበ፡ መርዐ፡ ጽሑፍ፨
- እምዘተወልዱ፡ አዕናቍ፡ ወባሕርየ፡ ነፋሳት፡ አእላፍ፨
- እማሕፀነ፡ ዝንቱ፡ መድም፡ ገድልከ፡ ሰደፍ፨
-
- ሰላም፡ ለበድነ፡ ሥጋከ፡ ርጢነ፡ ዘተመሰለ፨
- ወዘአፈወ፡ ጸበለ፨
- እስመ፡ ለከ፡ አቢብ፡ እግዚአብሔር፡ መሐለ፨
- እንዘ፡ ይብል፡ ዘይገብር፡ ተዝካረ፡ ወዘየሐንጽ፡ መርጡለ፨
- እስከነ፡ ዐሥርቱ፡ ትውልድ፡ ኢይሬኢ፡ ሀጕለ፨
-
- ሰላም፡ ለህላዌ፡ ሥጋከ፡ ከመ፡ ተብህለ፡ ነገር፨
- ኀበ፡ አስተዳለወ፡ ላቲ፡ እግዚአብሔር፨
- መክብበ፡ ትሩፋት፡ አቢብ፡ ወበዓለ፡ ገራህት፡ ሥሙር፨
- ዕሥየኒ፡ ሊተ፡ ለቅኑይከ፡ በክብር፨
- ዕሤተ፡ ሰማያዌ፡ ወአኮ፡ ዘምድር፨
-
- መሥዋዕተ፡ ስብሐት፡ ነፍስከ፡ እመ፡ ሠምረት፡ ቦቱ፨
- ናሁ፡ አብጻሕኩ፡ ለመላክኢከ፡ በበ፡ ክልኤቱ፨
- ኢትመንነኒ፡ አቢብ፡ ወኢትግድፈኒ፡ በእንተ፡ ዝንቱ፨
- አመ፡ ይጸላእ፡ ዘይትፈቀር፡ እስመ፡ ብእሴ፡ ጌጋይ፡ ውእቱ፨
- ወአመ፡ ዘይጸላእ፡ ይትፈቀር፡ በዓለም፡ ከንቱ፨