Malkəʾa Marqorewos (Image of Mercurius)

ማስገቢያ፡
- ሰላም፡ ሰላም፡ ወሰላም፡ እብሎሙ፨
- ለሰማዕታተ፡ ሮም፡ ኵሎሙ፨
- አቡሁ፡ ወእሙ፡ ፈጸሙ፡ ገድሎሙ፨
- ተሰብረ፡ ዐጽሙ፡ ወተክዕወ፡ ደሙ፨
- ለብፁዕ፡ መስተጋድል፡ መርቆሬዎስ፡ ስሙ፨

- ሰላም፡ ለዝክረ፡ ስምከ፡ ዘባሕርየ፡ ሞገስ፡ አክሊሉ፨
- ለሥዕርተ፡ ርእስከ፡ ሰላም፡ ወለርእስከ፡ መብቋሉ፨
- መርቆሬዎስ፡ እንብብ፡አንብብ፡ ውዳሴ፡ መልክዕከ፡ በበ፡ አምሳሉ፨
- ከመ፡ ያጥብዕ፡ ሕሊናትየ፡ በእዘዘ፡ ሥልጣኑ፡ ወኀይሉ፨
- መንፈሰ፡ ረድኤትከ፡ ይምጻእ፡ እምሰማይ፡ ዘላዕሉ፨
- ሰላም፡ ለገጽከ፡ ወለቀራንብቲከ፡ በአኅብሮ፨
- ለአዕይንቲከ፡ ሰላም፡ ስንእዋነ፡ ምክር፡ ጊዜ፡ ነጽሮ፨
- መርቆሬዎስ፡ ሰማዕት፡ ዕጉሠ፡ ሕማም፡ ወተፅዕሮ፨
- ሀበኒ፡ ቃለ፡ ጥበብ፡ ወጸግወኒ፡ አእምሮ፨
- በርእሰ፡ ልብየ፡ ዘልፈ፡ ይረሲ፡ ማኅደሮ፨
- ሰላም፡ ለፀአተ፡ ነፍስከ፡ በመንፈሳዊ፡ ጽዋዔ፨
- ለመቃብረከ፡ ሰላም፡ ዘትጸንሕ፡ ተስፋ፡ ትንሣኤ፨
- መርቆሬዎስ፡ ዘኮንከ፡ ኵነኔ፡ ኃጥአን፡ መዋኤ፨
- ተወከፍ፡ ዘንተ፡ ማኅሌትየ፡ መጠነ፡ ክልኤቱ፡ ሱባዔ፨
- በቅድመ፡ ዛቲ፡ ቅድስት፡ ነባቢት፡ ጉባኤ፨

መልክአ፡ መርቆሬዎስ፡ Malkəʾa Marqorewos