Subjects
Righteous
እንጦንዮስ፡
ʾƎnṭonyos
Anthony
Anthony
Malkəʾ
-
- ሰላም፡ ለዝክረ፡ ስምከ፡ ዘቀለመ፡ አሌፍ፡ ፊደሉ፨
- ለሥዕርትከ፡ ወለርእስከ፡ እንዘ፡ ገጸከ፡ አተሉ፨
- ኮከበ፡ ገዳም፡ እንጦንዮስ፡ ዘስቡሕ፡ ሥነ፡ ጸዳሉ፨
- እስከ፡ እፌጽም፡ ውዳሴከ፡ ተራድአኒ፡ በኵሉ፨
- እስመ፡ ኀይለ፡ ረድኤት፡ ብከ፡ ዘታሕቱ፡ ወላዕሉ፨
-
- ሰላም፡ ለቀራንብቲከ፡ ምጽለላተ፡ ክልኤ፡ አዕይንት፨
- ለአእዛኒከ፡ ወለመላትሒከ፡ እንተ፡ የዐውዶን፡ ሲበት፨
- እንጦንዮስ፡ አብ፡ ወላዴ፡ ብዙኃን፡ ፍጥረት፨
- ልደኒ፡ እማሕፀንከ፡ እንተ፡ ይእቲ፡ ቅናት፨
- ወሐሊበ፡ ረድኤትከ፡ ይውግዐኒ፡ እምክልኤ፡ አጥባት፨
-
- ሰላም፡ ለመቃብሪከ፡ ዘኮነ፡ ስዉረ፨
- እምዐይነ፡ ጻድቃን፡ ኵሉ፡ ከመ፡ ቃልከ፡ ነገረ፨
- እንጦንዮስ፡ አብ፡ ናስተበፅዐከ፡ ኅቡረ፨
- ቃልከ፡ ከመ፡ መምህር፡ ምሥጢረ፡ መላእክት፡ መሀረ፨
- ወከመ፡ ጻድቃን፡ እግርከ፡ ገዳማተ፡ ሖረ፨
-
- እምነ፡ መቃሪ፡ ዘወለድኮ፡ እማሕፀነ፡ ቅድስት፡ አስኬማ፨
- እምጳኵሚስ፡ ወጴሜን፡ ወአሞን፡ እስከ፡ ገሪማ፨
- አስተበቍዐከ፡ እንጦንስ፡ በእንተ፡ ኵሉ፡ ጉባኤ፡ ራማ፨
- ከመ፡ ታድኅነኒ፡ እምዓለመ፡ ሕማም፡ ወጻማ፨
- ዐፀደ፡ ኃሣር፡ ወምንንት፡ ስማ፨
-
- እንጦንዮስ፡ ወመቃርዮስ፡ አርሳንዮስ፡ ወጰላድዮስ፨
- ኅሩይ፡ ኪሮስ፡ በብኑዳ፡ ሚሳኤል፡ ወቅሪስ፨
- ፍቁረ፡ ማርያም፡ ድንግል፡ ወፍቁረ፡ ወልዳ፡ ክርስቶስ፨
- ገሪማ፡ ሊባኖስ፡ ጰንጠሌዎን፡ ወሊቃኖስ፨
- ሰአሉ፡ ለነ፡ ጻድቃን፡ ፍሡሓን፡ በሰማያት፡ አግብርተ፡ መንፈስ፡ ቅዱስ፨