Subjects
Prophet
ኢዮብ፡
ʾIyob
Job
Job
Malkəʾ
-
- ሰላም፡ ለዝክረ፡ ስምከ፡ ወለሥዕርተ፡ ርእስከ፡ ውዱስ፨
- በልሳነ፡ ኵሎ፡ ዘነፍስ፨
- ጥንተ፡ ዕጉሣን፡ ኢዮብ፡ ዘሥርጋዌከ፡ ተጽናስ፨
- አምረኒ፡ ፍና፡ ትዕግሥት፡ አመ፡ ዕለተ፡ ቅስት፡ ወሒስ፨
- ከመ፡ ኢያስርሐኒ፡ ኤልፋዝ፡ ዐመፃ፡ ወርኵስ፨
-
- ሰላም፡ ለርእስከ፡ ወለገጽከ፡ ካልኡ፨
- እምነ፡ ላህይ፡ አፍአዊ፡ ዘበውሳጣዊ፡ ተኀብኡ፨
- መሠረተ፡ ትዕግሥት፡ ኢዮብ፡ ለያዕቆብ፡ ዘርአ፡ ዘርኡ፨
- አድኅነኒ፡ እምአፅራርየ፡ እለ፡ ያስሕቱኒ፡ መጽኡ፨
- ሶበ፡ ሕማምየ፡ እምርኁቅ፡ ስምዑ፨
-
- ሰላም፡ ለግንዘተ፡ ሥጋከ፡ ወለማቅብሪከ፡ በኁባሬ፨
- ዘያቄርቡ፡ ሎቱ፡ ጸባሕተ፡ አኰቴት፡ ስብአ፡ ዝማሬ፨
- ኅሩይ፡ ኢዮብ፡ ወልደ፡ ወልደ፡ ያዕቆብ፡ ኅሬ፨
- ግቡር፡ ሰብእናየ፡ እስከ፡ የአምር፡ ገባሬ፨
- ኪዳነ፡ ዚአከ፡ ይኩኖ፡ መሓሬ፨
-
- ሰላም፡ ለትንሣኤከ፡ በዕለተ፡ ይምጽእ፡ ቃል፨
- ለውሂበ፡ ዕሤት፡ ሠናይ፡ ወውሂበ፡ ሐጕል፨
- ነዳየ፡ አፍአ፡ ኢዮብ፡ ወውሳጤከ፡ ባዕል፨
- ዘትረክበ፡ በባሕቲትከ፡ ነገረ፡ መደንግፅ፡ መስቀል፨
- እምቅድመ፡ ለአግብርቲከ፡ ይስብክ፡ ግዕዛን፡ ወንጌል፨