መልክአ፡ ኖብ፡
Malkəʾa Nob
Image of Noub
-
- ሰላም፡ ለዝክረ፡ ስምከ፡ እምአስጳዳጦስ፡ ዘምዕዘ፨
- ወእምጽጌ፡ ገነት፡ ዘሐወዘ፨
- ልሳንየ፡ ናሁ፡ ወድሶተከ፡ አኀዘ፨
- ከመ፡ እንግር፡ በማሓልይ፡ ጻማ፡ ስምዕከ፡ ዐዚዝ፨
- እምነቅዐ፡ ስለማከ፡ ኖብ፡ ስቅየኒ፡ ውሒዘ፨
-
- ሰላም፡ ለሥዕርተ፡ ርእስከ፡ እንተ፡ በዲቤሁ፡ አዕረፈ፨
- ጠለ፡ አእምሮ፡ በቋዒ፡ እምደመና፡ ወንጌል፡ ዘነፍነፈ፨
- በከመ፡ ስምከ፡ ኮንከ፡ ወርቀ፡ ሃይማኖት፡ ንጡፈ፨
- አቡየ፡ ኖብ፡ ሶበ፡ እጼውዐከ፡ ዘልፈ፨
- ለረዲኦትየ፡ ነዓ፡ ቀኒተከ፡ ሰይፈ፨
-
- ሰላም፡ ለስከበቱ፡ ለአራተ፡ ኀጺን፡ በመልዕልቱ፨
- ኀበ፡ እንደዱ፡ እሳተ፡ ለመኰንን፡ ወዐልተ፡ ቤቱ፨
- ወድዮሙ፡ ፒሳ፡ ወተየ፡ ውስቴቱ፨
- እመተ፡ ዓሥረ፡ ወክልኤ፡ እስከ፡ ይትለዐል፡ ንደቱ፨
- ኦአ፡ ሚይበዝኅ፡ ሥቃያቱ፨
- ለኖብ፡ ስምዐ፡ ሞቱ፡ ንትመሐፀን፡ ቦቱ፨
-
- ሰላም፡ ለመቃብሪከ፡ እንተ፡ ሥጋከ፡ ቀደሳ፨
- ለሀገር፡ ንእስት፡ ዘስማ፡ ንሒሳ፨
- ጽዱል፡ ኖብ፡ ባሕርየ፡ ከኒሳ፨
- በእንተ፡ ኪዳንከ፡ ሕይወተ፡ ሰብእ፡ መስተስርየ፡ ኵሉ፡ አበሳ፨
- ርጢነ፡ ጸሎትከ፡ ይኩን፡ ለነፍስየ፡ ፈውሳ፨
-
- ሰላም፡ ለከ፡ ዘሀገረ፡ አትሪብ፡ ኖብ፨
- ደመ፡ ስምዕ፡ ኅጹብ፨
- ጊዜያተ፡ ምእተ፡ አባሉ፡ ጥብጡብ፨
- በእንተ፡ ክርስቶስ፡ ባሕርየ፡ አብ፨
-
- ሰላም፡ ለከ፡ ስመ፡ ወርቀ፡ ኖብ፡ እምንሒሳ፨
- መስተስርየ፡ ኵሉ፡ አበሳ፨
- ፀአትከ፡ ኮነ፡ እምኀያላን፡ ስሳ፨
- እስመ፡ አንተ፡ ወልደ፡ ከኒሳ፨
-
- ሰላም፡ ለከ፡ በዝንቱ፡ ማሕሌት፡ ጊዜ፡ እጼውዕ፡ ስምከ፨
- ተሠጠወኒ፡ አባ፡ ማሕሌተከ፨
- እስመ፡ አልቦ፡ ነገር፡ ዘይሰአነከ፨
- ኀይል፡ ወሥልጣን፡ ዘሀሎ፡ ለከ፨