Malkəʾa Kiros (Image of Cyrus)

Māsgabiyā

- ዕጹብ፡ ገድልከ፡ ወመንክርከ፡ ኀያል፨
- እምእለ፡ አድባራት፡ ዔሉ፡ ስሙዓነ፡ ዜና፡ ወገድል፨
- አቡነ፡ ኪሮስ፡ ተወካፌ፡ ኪዳን፡ ወቃል፨
- ለዘተአመነ፡ በጸሎትከ፡ ኢትዮጵያዊ፡ ባዕል፨
- እስመ፡ አድኀንኮ፡ እመንሱት፡ ወሀጕል፨

Malkəʾ

- ሰላም፡ ለዝክረ፡ ስምከ፡ ኀበ፡ ዐምደ፡ ወርቅ፡ ዘተጽሐፈ፨
- ምስለ፡ ስመ፡ አበው፡ ኄራን፡ እንዘ፡ ይከውን፡ ሱቱፈ፨
- ጻድቅ፡ ኪሮስ፡ እንተ፡ ታገኒ፡ አእላፈ፨
- አባ፡ ሀበኒ፡ ለወልድከ፡ ሰማያዊተ፡ ምዕራፈ፨
- ወዘመላእክት፡ አስኬማ፡ ወዐጽፍ፨
- ሰላም፡ ለሥዕርተ፡ ርእስከ፡ ወለርእስከ፡ በእማኄ፨
- ወለገጽከ፡ ጽዱል፡ እንተ፡ ተሳተፈ፡ ሥነ፡ ሱራሔ፨
- ጻድቅ፡ ኪሮስ፡ ወምዑዘ፡ ምግባር፡ እምነ፡ ርሔ፨
- እምግብረ፡ ሰይጣን፡ ዘኢለመደ፡ ርኅራኄ፨
- ኀይለ፡ ጸሎትከ፡ ይኩነኒ፡ ባላሔ፨
- ሰላም፡ ለግንዘተ፡ ሥጋከ፡ መዐዛ፡ ክርስቶስ፡ ወሜዐ፨
- ወለመቃብሪከ፡ ሰላም፡ በሥምረተ፡ ክርስቶስ፡ ንጉሠ፡ መርዓ፨
- ጻድቅ፡ ኪሮስ፡ ጊዜ፡ ይደምፅ፡ ቀርነ፡ ውውዐ፨
- ያኅቱ፡ መኃትውየ፡ ዘዚአከ፡ ቅብዐ፨
- አርአያ፡ አብዳት፡ ኢይቁም፡ በአፍአ፨
- ስብሐተ፡ መልክእከ፡ ኅዳጠ፡ አምጣነ፡ ብየ፡ አቅረብኩ፨
- እምአመ፡ ንእስየ፡ አበ፡ እስመ፡ ኪያከ፡ ረሰይኩ፨
- ጻድቅ፡ ኪሮስ፡ ለሕይወትየ፡ በሳን፡ ሰርኩ፨
- አድኅነኒ፡ ወባልሐኒ፡ በጽንዐ፡ እዴከ፡ ዝኩ፨
- ቅድመ፡ ይንሥአኒ፡ ለዓለም፡ መልአኩ፨

Tarafa Malkəʾ

- ሰላም፡ ለከ፡ በእንቲአከ፡ ተብህለ፡ እመድሎተ፡ ሰማይ፡ ወምድር፨
- ይፈደፍድ፡ ጥቀ፡ ዘእግርከ፡ ጽፍር፨
- ኪሮስ፡ ምሉአ፡ ክብር፨
- ሰላም፡ ለከ፡ እግዚአብሔር፡ ይብለከ፡ እምኑኀ፡ ሰማይ፡ ወሪዶ፨
- በስምከ፡ ኪሮስ፡ ዘይሰሚ፡ ወልዶ፨
- እምበረከትከ፡ ኢያውሕዶ፨
- ሰላም፡ ለከ፡ ነፍስየ፡ ኪሮስ፡ አወፈይኩከ፡ ዕጣነ፨
- ማዕኰት፡ ብከ፡ ወሥልጣነ፨
- ለሰሚዐ፡ ገድል፡ እለ፡ ተጋባእነ፨
- ዘብሩር፡ ክንፈከ፡ ክድነነ፨

መልክአ፡ ኪሮስ፡ Malkəʾa Kiros

Image of Cyrus