Subjects
Angelic
ሩፋኤል፡
Rufāʾel
Raphael
Raphael
Malkəʾ
-
- ሰላም፡ ለዝክረ፡ ስምከ፡ ተጸውዖ፡ ዘቀደመ፨
- በአፈ፡ አምላክ፡ አዳም፡ እንበለ፡ ይሰመይ፡ ስመ፨
- ሩፋኤል፡ ምልአኒ፡ ወወስከኒ፡ ዳግመ፨
- መንፈስ፡ ቅዱሳዌ፡ አእምሮ፡ እንተ፡ ይፈሪ፡ ሰላመ፨
- ወአምላካዌ፡ ጥበበ፡ ዘየአዱ፡ ዐቅመ፨
-
- ሰላም፡ ለአካለ፡ ቆምከ፡ አካለ፡ መላእክት፡ መጠኑ፨
- ወለመልክእከ፡ ዐይነ፡ ዘየሐይድ፡ ሥነ፡ ብርሃኑ፨
- ግሩመ፡ መልክእ፡ ሩፋኤል፡ መንክራቲከ፡ እዜኑ፨
- ጽብኦሙ፡ እግዚኦ፡ ለእለ፡ ግብረ፡ ጸብእ፡ ወጠኑ፨
- ወውዱቃነ፡ ቅድሜየ፡ ይኩኑ፨
-
- ተወኪፈከ፡ እግዚኦ፡ ዘንተ፡ አምኃየ፨
- ዘአባእኩ፡ ለከ፡ አማነ፡ ክሂል፡ ብየ፨
- ሩፋኤል፡ ባዕል፡ እንተ፡ ታብዕል፡ ነዳየ፨
- ዕሥየኒ፡ ለፍቁርከ፡ ዕሤተ፡ ሠናየ፨
- ዘእዝነ፡ መዋቲ፡ ኢሰምዐ፡ ወዘዐይን፡ ኢርእየ፨