Subjects
Angelic
ሩፋኤል፡
Rufāʾel
Raphael
Raphael
Malkəʾ
-
- ሰላም፡ ለዝክረ፡ ስምከ፡ በአፈ፡ ኵሉ፡ ጥዑም፨
- ወለዘይጼውዖ፡ ረዳአ፡ ዘእንበለ፡ መስፈርት፡ ወዐቅም፨
- ሩፋኤል፡ መልአክ፡ ዖፈ፡ አርያም፨
- ታሕተ፡ ወግር፡ ከመ፡ አሰርኮ፡ ለመልአከ፡ ሀከክ፡ ዘቅድም፨
- ለደቂቀ፡ ስሕተት፡ ዘደም፡ ሠርዎሙ፡ ዮም፨
-
- ሰላም፡ ለሥዕርተ፡ ርእስከ፡ ዘመድምም፡ ተገብሮቱ፨
- እሳትአ፡ ወነፋስ፡ ውእቱ፨
- ሩፋኤል፡ ክቡር፡ ለእግዚአብሔር፡ መልአከ፡ ቤቱ፨
- ዘኢኮነ፡ በምግባርየ፡ ዳእሙ፡ በከንቱ፨
- እምኀቤከ፡ ዘልፈ፡ ረድኤተ፡ እፈቱ፨
-
- ሰላም፡ እብል፡ ለዐቅመ፡ መልክእከ፡ ዘበበ፡ በይኑ፨
- አመ፡ ጥንተ፡ ግብሩ፡ ዘገብሮ፡ እግዚአብሔር፡ በኪኑ፨
- ለእሳት፡ እምርስኑ፡ ለነፋስ፡ እምሥኑ፨
- ልማድከ፡ አዕርጎ፡ ጸሎት፡ ሩፋኤል፡ አኮኑ፨
- ተዝካረ፡ ጸሎትየ፡ ታዕርግ፡ ፍያለከ፡ ፈኑ፨
-
- ሰላም፡ ለሕይወትከ፡ ጥንተ፡ ዓለም፡ ዘኢቀደሞ፨
- ወኅልቀተ፡ ዘመን፡ ኢይፌጽሞ፨
- ሩፋኤል፡ ሠዋዒ፡ መሥዋዕተ፡ ስብሐት፡ በኢያርምሞ፨
- ጥቃ፡ ሕይወትከ፡ ለሕይወትየ፡ ዐቅም፨
- ምስለ፡ ምክረ፡ ጥበብ፡ በርስዕ፡ እስከ፡ ይጸግብ፡ ዓም፨
-
- ኃፍረት፡ ጥቀ፡ ለዘተለቅሐ፡ ወተሣየጠ፨
- እመኒ፡ ብዙኀ፡ ወእመኒ፡ ኅዳጠ፨
- እዳሁ፡ ፍጡነ፡ ሶበ፡ ኢሠለጠ፨
- ሩፋኤል፡ ዐስበ፡ አምኃየ፡ እንዘ፡ ትጽሕቅ፡ መይጠ፨
- በረከተ፡ ሰማይ፡ ኅቡአ፡ ሀበኒ፡ ተውላጠ፨