Subjects
Trinitarian
መስቀል፡
Masqal
The Cross
The Cross
Malkəʾ
-
- ሰላም፡ ለዝክረ፡ ስምከ፡ በመጽሔተ፡ መስቀል፡ ዘተለክአ፨
- ወለሥዕርትከ፡ ጸሊም፡ ዘደመ፡ ተኰርኦ፡ ተቀብአ፨
- ሰዋስወ፡ ፍቅር፡ ክርስቶስ፡ ትኩል፡ ዲበ፡ እንግድአ፨
- አስትየኒ፡ ለተሳትፎ፡ እንተ፡ ሰተይከ፡ ጽዋዐ፨
- በዋዕየ፡ ፍቅርከ፡ አምላካዊ፡ ሕሊናየ፡ ጸምአ፨
-
- ሰላም፡ ለርእስከ፡ ሥርግወ፡ አክሊል፡ ዘሥዖክ፨
- ወለዕጉሠ፡ ምራቅ፡ ገጽከ፡ እምሐራ፡ ጲላጦስ፡ መልአክ፨
- ኢየሱስ፡ ክርስቶስ፡ ተወካፌ፡ ስቅለት፡ አምላክ፨
- እንበለ፡ ደምከ፡ ወመስቀልከ፡ ቡሩክ፨
- አልብየ፡ ምክሕ፡ እምዘመድ፡ ወዐርክ፨
-
- ሰላም፡ ለትንሣኤከ፡ እንበለ፡ መዋጥሕ፡ ወግልባቤ፨
- ወለዕርገትከ፡ በኀይል፡ ውስተ፡ ደብረ፡ ስኂን፡ ወደብረ፡ ከርቤ፨
- በኵረ፡ ትንሣኤ፡ ክርስቶስ፡ ልሳነ፡ መጽሐፍ፡ በከመ፡ ይቤ፨
- አጥረይኩ፡ ምክሐ፡ ወጸወነ፡ በጊዜ፡ ምንዳቤ፨
- ኪያከ፡ አበ፡ ወኪያከ፡ መጋቤ፨
-
- ሰላም፡ ለምጽአትከ፡ በስብሐተ፡ አብ፡ ወላዲ፨
- ወለመንግሥትከ፡ ህልው፡ ለዓለመ፡ ዓለም፡ ወዓዲ፨
- ጥዑመ፡ ስም፡ ክርስቶስ፡ ሞገሰ፡ ዮሐንስ፡ ቃለ፡ ዐዋዲ፨
- እንዘ፡ ትዜከር፡ እግዚእየ፡ ትእይርተ፡ ሄሮድስ፡ ከሐዲ፨
- ለቤዛ፡ ኃጥእ፡ ገብርከ፡ መስቀለከ፡ ፍዲ፨