መልክአ፡ ዮሐንስ፡ ፍቁረ፡ እግዚእ፡
Malkəʾa Yoḥannəs Fəqura ʾƎgziʾ
Image of John, Beloved of the Lord
-
- ሰላም፡ ለዝክረ፡ ስምከ፡ ቅቡአ፡ መገስ፡ ወጸጋ፨
- እንበለ፡ ሕጸጽ፡ ወንትጋ፨
- ዮሐንስ፡ መልአክ፡ እንዘ፡ ብእሴ፡ ደም፡ ወሥጋ፨
- ምልአኒ፡ ከመ፡ ተከዚ፡ ለጥበብከ፡ ፈለጋ፨
- ወፍካሬ፡ ብዝኅት፡ ራእይከ፡ ከመ፡ እጠይቅ፡ ህጋ፨
-
- ሰላም፡ ለሥዕርተ፡ ርእስከ፡ ጠለ፡ አርያም፡ ዘኮኖ፨
- ከመ፡ ዕፍረተ፡ አሮን፡ ቅብአ፡ ተክህኖ፨
- ምድራዊ፡ ዮሐንስ፡ ለሰማይ፡ ዘትኴንኖ፨
- አስተምሕር፡ ሣህለ፡ ዓለም፡ ወዘዚአየ፡ አድኅኖ፨
- ኀበ፡ መምህርከ፡ ዘረፈቀ፡ ሕፅኖ፨
-
- ሰላም፡ ለፍልሰተ፡ ሥጋከ፡ ዮሐንስ፡ ሕያው፨
- በከመ፡ ወፅአ፡ ነገር፡ በኀበ፡ አኃው፨
- በቅድስና፡ ወንጽሕ፡ አባላቲከ፡ ሥርግው፨
- አብአኒ፡ በነሶሳው፡ ውስተ፡ ጽርሕከ፡ ርኅው፨
- ኀበ፡ ይነብሩ፡ ስንዕከ፡ እደው፨
-
- ሰላም ለአልባሲከ፡ ምስለ፡ ክዳንከ፡ ደርገ፨
- ተዝካረ፡ ሕይወትከ፡ ታዑቅ፡ ለአብሮክራ፡ ኀደገ፨
- ዮሐንስ፡ ዘኮንከ፡ ምስለ፡ መላእክት፡ ደርገ፨
- ምሉአ፡ ወድንጉገ፡ ዘሰላምከ፡ ፈለገ፨
- በውሳጤ፡ ከርስየ፡ ረሲ፡ ኢይኩን፡ ንቱገ፨
-
- ለዘሰአለከ፡ ሀቦ፡ ወኢትክልዖ፡ ዘይብል፨
- እስመ፡ ተኣምር፡ ለሊከ፡ በስተ፡ ወንጌል፨
- ኀሠሥኩ፡ በረከተከ፡ እንተ፡ ላዕለ፡ ኀይል፨
- ገብርከ፡ መሬታዊ፡ ዮሐንስ፡ ባዕል፨
- እስመ፡ ሕይወቱ፡ ለነዳይ፡ ስኢል፨