Subjects
Martyr
ፊላታዎስ፡
Filātāwos
Philotheus
Philotheus
Malkəʾ
-
- ሰላም፡ ለዝክረ፡ ስምከ፡ ዘመፍቀሬ፡ አምላክ፡ ተብህለ፨
- ወለሥዕርትከ፡ ዖፍ፡ ዘገዳመ፡ መትከፍ፡ ዔለ፨
- ፊላታዎስ፡ ሐረግ፡ እንተ፡ ትጸውር፡ አስካለ፨
- ከመ፡ እስብከ፡ ውስተ፡ ዓለም፡ ዝክረ፡ ስምከ፡ ወንጌለ፨
- ልብሰ፡ ተራድኦ፡ ከድነኒ፡ ወኩነኒ፡ ኃይለ፨
-
- ሰላም፡ ለርእስከ፡ ዘበኀበ፡ ኵሉ፡ ውዱስ፨
- ወለመንክረ፡ ስን፡ ገጽከ፡ ገጸ፡ ማሕየዊ፡ ክርስቶስ፨
- ፊላታዎስ፡ ዛኅን፡ ፊላታዎስ፡ መርስ፨
- እግዚኦ፡ ኩነኒ፡ ለገብርከ፡ ምዕራፈ፡ ሥጋ፡ ወነፍስ፨
- እምነ፡ ማዕበላ፡ ጌጋይ፡ ለዓለም፡ ተርሴስ፨
-
- ሰላም፡ ለግንዘተ፡ ሥጋከ፡ በእደ፡ ቅዱሳን፡ አኃው፨
- ወለመቃብሪከ፡ ሰላም፡ በቃለ፡ ዝማሬ፡ ፍትው፨
- ፊላታዎስ፡ ሰማዕት፡ ማእከለ፡ ሰማዕታት፡ ዕደው፨
- አርፍቀኒ፡ ፍዳ፡ ፃመውኩ፡ ለማሕሌትከ፡ ህልው፨
- አመ፡ በደብረ፡ ጽዮን፡ ሎሙ፡ ይነግሥ፡ ሕያው፨
-
- ______ ውሑደ፡ ለሰላምከ፡ ሥሉጥ፨
- ፊላታዎስ፡ ምዑዝ፡ ዘሐይቀ፡ ባሕረ፡ ገድል፡ ስግላጥ፨
- ቅድመ፡ ገጸ፡ ዚአከ፡ ይኩን፡ ዕጹበ፡ ተውላጥ፡ ወሤጥ፨
- አኮኑ፡ ተኣምር፡ እግዚኦ፡ መኰንነ፡ አፍአ፡ ወውሥጥ፨
- ከመ፡ ለማርያ፡ ይቤላ፡ የአክል፡ ኅዳጥ፨